ஊதிய நிலுவைத் தொகையை வழங்கக் கோரி ஆர்ப்பாட்டம்

திருவாரூரில் வியாழக்கிழமை பிஎஸ்என்எல் ஒப்பந்தத் தொழிலாளர்கள் தங்களது மூன்று மாத ஊதிய நிலுவைத் தொகையை உடனடியாக வழங்கக் கோரி ஆர்ப்பாட்டத்தில் ஈடுபட்டனர். 
திருவாரூர் பிஎஸ்என்எல் அலுவலகம் முன்பு நேசனல் பெடரேஷன் டெலிகாம் கேஷ்வல் ஊழியர் சங்கம் சார்பில் நடைபெற்ற ஆர்ப்பாட்டத்துக்கு சங்கத் தலைவர் நடராஜன் தலைமை வகித்தார். ஆர்ப்பாட்டத்தில், பிஎஸ்என்எல் ஒப்பந்தத் தொழிலாளர்களுக்கு கடந்த மூன்று மாதங்களாக வழங்கப்படாத ஊதியத்தை உடனடியாக வழங்க வேண்டும், ஒப்பந்த ஊழியர்களுக்கு வழங்கப்படும் ஊதியத்தை மாதந்தோறும் 7 -ஆம் தேதிக்குள் வழங்க வேண்டும், பிஎப், இஎஸ்ஐ பிடித்தம் செய்து ஒப்பந்த தொழிலாளர்களின் நலனை காக்க வேண்டும் உள்ளிட்ட பல்வேறு கோரிக்கைகள் வலியுறுத்தப்பட்டன.