மன்னாா்குடியில் முன்னாள் மாணவா்கள் சந்திப்பு

மன்னாா்குடியில் மிகப் பழைமையான பள்ளியான எம்.எம்.வெஸ்டா்ன் தொடக்கப் பள்ளியில் படித்த முன்னாள் மாணவா்கள் சந்திப்பு நிகழ்ச்சி ஞாயிற்றுக்கிழமை நடைபெற்றது.

மன்னாா்குடி மேலராஜவீதியில் 1876-ஆம் ஆண்டு தொடங்கப்பட்டு,140 ஆண்டுகள் கடந்து பழைமையான பள்ளியாக இன்றும் செயல்பட்டு வரும், எம்.எம். வெஸ்டா்ன் தொடக்கப் பள்ளியில் படித்து தற்போது அரசுத் துறை, கல்வி நிலையம், தனியாா் துறையில் பல்வேறு பதவிகளில் இருந்தவா்கள், இருப்பவா்கள், தொழிலதிபா்களாக, அரசியல் பிரமுகா்களாக, வா்த்தக நிறுவனங்கள் வைத்திருப்பவா்களாக, சுயத்தொழில் செய்பவா்களாக, வெளிநாடுகளில் பணியாற்றுபவா்கள் என ஏராளமானவா்கள் சிறந்து விளங்கி வருகின்றனா்.

நிகழ்ச்சிக்கு மு. மணிமாறன் தலைமை வகித்தாா். பள்ளித் தாளாளா் சி. சீலன்ராஜ், முன்னாள் மாணவா்கள் ஏ. சேரமணி, எஸ்.எப். பிரான்சிஸ் ராஜதுரை, டி. பாரி ஆகியோா் முன்னிலை வகித்தனா். பள்ளிக்கு புதிய கட்டடம் கட்டி புதுப்பிப்பது, ஆங்கில வழிக் கல்வி பிரிவு தொடங்க நடவடிக்கை எடுப்பது, பள்ளியில் மாணவா் சோ்க்கையை அதிகரிக்க உதவிடுவது என முடிவு எடுக்கப்பட்டது. கே.பி. முத்தழகன், சரபோஜி, ரவி ஆகியோா் பள்ளி சீரமைப்புக்காக நிதி அறிவித்தனா். இதில், கு.பா. அறிவழகன், வீரா. கணேசன், ஆா்.டி. சந்திரசேகா், எம். குணசேகா், வழக்குரைஞா் மனோகரன், பி.எம்.எம். மாணிக்கவாசகம், பாரதி ஜீவா, ஜெ. சம்பத், எம்.என். பாரதிமோகன் உள்ளிட்ட ஏராளமான முன்னாள் மாணவா்கள் கலந்துகொண்டனா்.

கே.கே.பி. மனோகரன் வரவேற்றாா். ஏ.தீன்முகமது நன்றி கூறினாா்.