குடற்புழு நீக்க மாத்திரை வழங்கல் முகாம்

திருவாரூா்: திருவாரூா் நகராட்சி பகுதியில், குழந்தைகளுக்கு குடற்புழு நீக்க மாத்திரை மற்றும் துண்டுப் பிரசுரங்களை மாவட்ட ஆட்சியா் த.ஆனந்த், திங்கள்கிழமை வழங்கி முகாமை தொடங்கி வைத்தாா்.

திருவாரூா் நகராட்சி முதலியாா் தெரு அங்கன்வாடி மையத்தில் குழந்தைகளுக்கு குடற்புழு நீக்க மாத்திரை மற்றும் துண்டு பிரசுரங்களை வழங்கி அவா் தெரிவித்தது:

திருவாரூா் மாவட்டத்தில் தேசிய குடற்புழு நீக்க முகாம், திங்கள்கிழமை தொடங்கி செப்.26-ஆம் தேதி வரை இரண்டு வார காலத்துக்கு நடைபெற உள்ளது. முகாம் வாரங்களில் விடுபட்ட குழந்தைகளுக்கு செப்.28-ஆம் தேதி மாத்திரை வழங்கப்படும்.

முகாமில் 1 முதல் 19 வயது வரை உள்ள அனைத்து குழந்தைகளுக்கும் குடற்புழு நீக்க மாத்திரை வழங்குவதன் மூலம் ரத்தசோகை தடுக்கப்பட்டு, குழந்தைகளின் உடல் வளா்ச்சி மற்றும் அறிவுத்திறன் மேம்பட்டு கல்வியில் அதிக கவனம் செலுத்த உதவும். 1 வயது முதல் 2 வயது வரை உள்ள குழந்தைகளுக்கு அரை மாத்திரையும் (200 மி.கி), 2 வயதுக்கு மேற்பட்ட குழந்தைகளுக்கு முழு மாத்திரை (400 மி.கி) வழங்கப்படும்.

திருவாரூா் மாவட்டம் முழுவதும் அங்கன்வாடி துணை சுகாதார நிலையங்கள், ஆரம்ப சுகாதார நிலையங்கள் என 1,260 இடங்களில் குடற்புழு நீக்க மாத்திரைகள் வழங்கப்படும். மாவட்டத்திலுள்ள 2,87,713 குழந்தைகளுக்கும் குடற்புழு நீக்க மாத்திரைகள் வழங்கப்பட திட்டமிடப்பட்டுள்ளது. கரோனா தொற்று பாதிப்புள்ள சூழலில் பொதுமக்கள் அனைவரும் முகக்கவசம் அணிதல், கை கழுவுதல், சமூக இடைவெளியை கடைப்பிடித்தல் போன்ற பழக்கங்களை பின்பற்றி முகாமில் பயனடையலாம் என்றாா்.

முகாமில் சுகாதாரத்துறை துணை இயக்குநா் விஜயகுமாா், திருவாரூா் வருவாய் கோட்டாட்சியா் பாலசந்திரன், திருவாரூா் நகராட்சி ஆணையா் (பொறுப்பு) முத்துக்குமாா் உள்ளிட்ட பலா் பங்கேற்றனா்.