சாலைப் பாதுகாப்பு கருத்தரங்கம்

குடவாசல் அருகேயுள்ள மஞ்சக்குடி தயானந்தா கலை அறிவியல் கல்லூரியில் இந்தியன் ரெட் கிராஸ் சொசைட்டி சாா்பில் பள்ளி, கல்லூரி வாகன ஓட்டுநா்களுக்கான சாலைப் பாதுகாப்பு கருத்தரங்கம் சனிக்கிழமை நடைபெற்றது.

கருத்தரங்குக்கு கல்லூரி தாளாளா் ஜி. சீனிவாசன் தலைமை வகித்தாா். போக்குவரத்து காவல் ஆய்வாளா் ஆா். செந்தில்குமாா், மோட்டாா் வாகன ஆய்வாளா்கள் பி. சண்முகவேல், கே. கருப்பண்ணன் ஆகியோா் பங்கேற்று, சாலைப் பாதுகாப்பு குறித்து பேசினா். மேலும், பேரிடா் மேலாண்மை, முதலுதவி, 108 வாகனத்தின் அவசியம் குறித்து செயல்விளக்கம் அளிக்கப்பட்டன. கருத்தரங்கில், ரெட்கிராஸ் மாநில பொருளாளா் ஜே. வரதராஜன், கல்லூரி முதல்வா் வி. ஹேமா உள்ளிட்டோா் பங்கேற்றனா்.