வலங்கைமான் அருகே தகராறு: 8 போ் கைது

வலங்கைமான் அருகே இரு கிராமத்தினா் இடையே நடைபெற்ற மோதல் தொடா்பாக 8 இளைஞா்கள் வியாழக்கிழமை கைது செய்யப்பட்டனா்.

வலங்கைமான் அருகே உள்ள கொட்டையூரை சோ்ந்தவா் வசந்த் (24). நாா்த்தாங்குடியை சோ்ந்தவா் திலீபன் (22). இவா்கள் இருவருக்கும் இடையே கொட்டையூா் நேரடி நெல் கொள்முதல் நிலையத்தில் நெல் விற்பனை செய்வது தொடா்பாக தகராறு ஏற்பட்டுள்ளது. பின்னா், இது கைகலப்பாக மாறி, இருவரது நண்பா்களும் ஒருவரையொருவா் தாக்கியதாக தெரிகிறது.

இதுகுறித்து இருதரப்பினரும் தனித்தனியே வலங்கைமான் காவல் நிலையத்தில் புகாா் அளித்தனா். இதுதொடா்பாக விசாரணை செய்த போலீஸாா் கொட்டையூரை சோ்ந்த விஜய் (19), இளவரசன் (20), லெனின் (35), பகத்சிங் (19) ஆகியோரையும், நாா்த்தாங்குடியை சோ்ந்த ரகுபதி (27), சன்மானம் (27), லெனின் (25), ரகுநாத் (25) ஆகியோரையும் கைது செய்தனா்.