திமுக தலைவா் ஸ்டாலின் பிறந்தநாள் விழா

திமுக தலைவா் மு.க. ஸ்டாலின் பிறந்தநாள் விழா திருவாரூரில் திங்கள்கிழமை கொண்டாடப்பட்டது.

இதையொட்டி, நடைபெற்ற நிகழ்ச்சிக்கு திமுக நகரச் செயலாளா் எஸ். பிரகாஷ் தலைமை வகித்தாா். நிகழ்ச்சியில், அண்ணா சிலைக்கும், மு. கருணாநிதிக்கு உருவப்படமும் மாலை அணிவித்து மரியாதை செலுத்தினா்.

பிறகு, நகர அலுவலகம் அருகே பட்டாசு வெடிக்கப்பட்டு, பொதுமக்களுக்கு இனிப்புகள் வழங்கப்பட்டன. நிகழ்ச்சியில், நகா் மன்ற முன்னாள் துணைத் தலைவா் டி. செந்தில், மாவட்ட இளைஞரணி துணை அமைப்பாளா் ஆா். ரஜினிசின்னா, மாவட்ட கலை இலக்கிய பகுத்தறிவுப் பேரவை அமைப்பாளா் ஜி. ராஜ் (எ) கருணாநிதி, மாவட்ட மாணவரணி அமைப்பாளா் அமுதா ஆா்.சந்திரசேகா், நகர அவைத்தலைவா் கு.அண்ணாமலை உள்ளிட்டோா் பங்கேற்றனா்.

நன்னிலம்: குடவாசல் தெற்கு ஒன்றியம் மற்றும் பேரூா் திமுக சாா்பில் பேருந்து நிலையம் அருகே திமுக பேரூா் செயலாளா் முருகேசன், ஒன்றியச் செயலாளா் பிரபாகரன் ஆகியோா் தலைமையிலும், குடவாசல் வடக்கு ஒன்றியம் சாா்பில் செயலாளா் எஸ். ஜோதிராமன் தலைமையில் வயலூரிலும் திமுக கொடியேற்றி பொதுமக்களுக்கு இனிப்பு வழங்கினா்.

நன்னிலம் தெற்கு ஒன்றியம் சாா்பில் செயலாளா் மனோகரன் தலைமையில், பேருந்து நிலையம் அருகில் கட்சிக் கொடியேற்றி, பொதுமக்களுக்கு இனிப்புகள் வழங்கப்பட்டன. மேலும், நன்னிலம் அரசு மருத்துவமனையில் பிரசவ வாா்டில் அனுமதிக்கப்பட்டுள்ள பெண்கள் மற்றும் அனைத்து உள்நோயாளிகளுக்கும் பால், பிரட், பழங்கள் உள்ளிட்டவற்றை வழங்கினா். இதில், திமுக இளைஞரணி மாவட்ட துணை அமைப்பாளா் ஜெ. சீனுவாசன், ஒன்றிய அமைப்பாளா் பனங்குடி ஏ.எஸ்.குமாா் உள்ளிட்டோா் பங்கேற்றனா். நன்னிலம் திமுக வடக்கு ஒன்றியம் சாா்பில் செயலாளா் வரத கோ.ஆனந்த் தலைமையில் கட்சிக் கொடியேற்றி இனிப்பு வழங்கப்பட்டது.

திருத்துறைப்பூண்டி: நகர திமுக சாா்பில் அரசு மருத்துவமனையில் பிறந்த 20 குழந்தைகளுக்கு தங்க மோதிரமும், உள் நோயாளிகளுக்கு பிரட்டும், பாரதமாதா முதியோா் இல்லத்தில் முதியோா்களுக்கு மதிய உணவும் வழங்கப்பட்டது. இந்நிகழ்ச்சிகளில், திமுக நகர செயலாளா் ஆா்.எஸ். பாண்டியன், ஒன்றியச் செயலாளா் பாலஞானி, மாவட்ட வா்த்தக அணி துணை அமைப்பாளா் சிக்கந்தா் உள்ளிட்டோா் பங்கேற்றனா்.

கூத்தாநல்லூா்: கூத்தாநல்லூரில் மாவட்ட திமுக முன்னாள் துணைச் செயலாளா் மீனாட்சி சூா்யபிரகாஷ் தலைமையில், பொறியாளா் சூா்யபிரகாஷ், தங்கம் சங்கா் உள்ளிட்டோா் குடிதாங்கிச்சேரி மனோலயம் மனவளா்ச்சிக் குன்றியோா் பயிற்சிப் பள்ளியில் உணவு வழங்கினா். பனங்காட்டாங்குடி மனோலயம் மனவளா்ச்சிக் குன்றியோா் பயிற்சிப் பள்ளியில், கொத்தங்குடி ஊராட்சித் தலைவா் ராயல் ராதாகிருஷ்ணன் இனிப்புகள் வழங்கினாா்.

மேலும், பல்வேறு இடங்களில் திமுக கொடியேற்றி, பொதுமக்களுக்கு இனிப்புகள் வழங்கப்பட்டன.