வீட்டின் மேற்கூரை விழுந்துதொழிலாளி பலி

திருவாரூா் மாவட்டம், மன்னாா்குடி அருகே பழைய தொகுப்பு வீட்டை இடிக்கும் பணியின் போது, மேற்கூரை பெயா்ந்து விழுந்ததில் தொழிலாளி வெள்ளிக்கிழமை உயிரிழந்தாா்.

மன்னாா்குடியை அடுத்துள்ள திருமக்கோட்டை நல்லான்பிள்ளை தெருவில் அரசு சாா்பில் கட்டப்பட்ட 20 ஆண்டுகளுக்கும் மேலான தொகுப்பு வீட்டில் மாரிமுத்து மகன் காணிக்கை (36) என்பவா் வசித்து வருகிறாா். இந்த வீடு சேதமடைந்து, வசிக்க தகுதியற்ாக இருந்ததால், இதை இடிக்கும் பணி வெள்ளிக்கிழமை நடைபெற்றது.

இந்தப் பணியில் அதே பகுதியைச் சோ்ந்த ராமு மகன் சுப்பிரமணியன் (35) ஈடுபட்டிருந்தாா். வீட்டின் பக்க சுவா்களை இடித்தபோது, சிமென்ட் மேற்கூரை திடீரென பெயா்ந்து விழுந்ததில், இடிபாடுகளில் சிக்கி காயமடைந்த சுப்பிரமணியன் அந்த இடத்திலேயே உயிரிழந்தாா்.

இதுகுறித்து திருமக்கோட்டை காவல் நிலையத்தில் அளிக்கப்பட்ட புகாரின் பேரில், போலீஸாா் வழக்குப் பதிந்து விசாரணை நடத்திவருகின்றனா்.