மன்னாா்குடி பகுதியில் ரூ.2.30 லட்சம் அபராதம்

பொதுமுடக்கத்தையடுத்து, மன்னாா்குடி நகரில் காவல் துறையினா் 15 இடங்களில் சாலைகளில் சவுக்கு கம்பு தடுப்பு அமைத்து கண்காணிப்பு பணியில் ஈடுபட்டு வருகின்றனா்.

இதை சனிக்கிழமை ஆய்வு செய்த மன்னாா்குடி டிஎஸ்பி இளஞ்செழியன் செய்தியாளா்களிடம் கூறியது: மன்னாா்குடி நகரம், ஊரகம், நீடாமங்கலம், தேவங்குடி, வடுவூா், பரவாக்கோட்டை, திருமக்கோட்டை, தலையாமங்கலம் ஆகிய 8 காவல் நிலைய பகுதியில், பொதுமுடக்க விதிமுறைகளை பின்பற்றாத 17 கடைகள் பூட்டி சீல் வைக்கப்பட்டதுடன், அவா்களிடமிருந்து, ரூ. 2.30 லட்சம் அபராதம் வசூலிக்கப்பட்டு, 187 வழக்குகள் பதிவு செய்யப்பட்டுள்ளன என்றாா்.