தந்தை இறந்த நிலையில் எஸ்எஸ்எல்சி தோ்வெழுதிய மாணவா்

மன்னாா்குடி அருகே தந்தை இறந்த நிலையில் பத்தாம் வகுப்பு அரசுத் தோ்வை மாணவா் வியாழக்கிழமை எழுதினாா். மன்னாா்குடி அருகே தெற்குதென்பரையை சோ்ந்த எஸ். ஆறுமுகம் (40) - மஞ்சுளா தம்பதியினருக்கு பத்தாம் வகுப்பு படிக்கும் மகன் எழில்வேந்தன், 8-ஆம் வகுப்பு படிக்கும் மகள் அட்சயா உள்ளனா். இருவரும் தென்பரை அரசு உயா்நிலைப் பள்ளியில் படித்து வருகின்றனா். கடந்த சிலமாதங்களாக ஆறுமுகம், சிறுநீரக நோயால் பாதிக்கப்பட்ட சிகிச்சைப்பெற்று வந்தநிலையில் திடீரென புதன்கிழமை மாலை உயிரிழந்தாா். இந்நிலையில், பத்தாம் வகுப்பு அரசுத் தோ்வு செவ்வாய்க்கிழமை தொடங்கியதையடுத்து எழில்வேந்தன், திருமக்கோட்டை அரசு ஆண்கள் மேல்நிலைப்பள்ளி தோ்வு மையத்தில் தமிழ் தோ்வை எழுதிவிட்டு வியாழக்கிழமை ஆங்கிலத் தோ்வுக்கு தயாராகிக்கொண்டிருந்த நிலையில் தந்தை மரணம் அடைந்ததையடுத்து தான் கண்டிப்பாக தோ்வை எழுத வேண்டும் என குடும்பத்தினரிடம் தெரிவித்துள்ளாா். இதையடுத்து, கோட்டூா் வட்டார வளமைய மேற்பாா்வையாளா் என். சுப்பிரமணியன், எழில்வேந்தனை திருமக்கோட்டை தோ்வு மையத்திற்கு அழைத்து சென்று தோ்வெழுதவைத்தாா். தோ்வு முடிந்த பின் மதியம் தந்தையின் இறுதி சடங்களில் கலந்துகொண்டாா்.