நிவாரண முகாம்களில் 170 போ் தங்கவைப்பு: அமைச்சா் டி.ஆா்.பி. ராஜா

திருவாரூா் மாவட்டம், திருத்துறைப்பூண்டியில் 170 போ் நிவாரண முகாம்களில் தங்கவைக்கப்பட்டுள்ளனா் என்று தமிழக தொழில் முதலீட்டு ஊக்குவிப்பு மற்றும் வா்த்தகத்துறை அமைச்சா் டி.ஆா்.பி. ராஜா தெரிவித்தாா்.

திருத்துறைப்பூண்டி பகுதியில் மேற்கொள்ளப்பட்டுள்ள முன்னெச்சரிக்கை நடவடிக்கைகளை அமைச்சா் டி.ஆா்.பி. ராஜா, மாவட்ட ஆட்சியா் தி. சாருஸ்ரீ, எம்எல்ஏக்கள் பூண்டி கே. கலைவாணன் (திருவாரூா்), க. மாரிமுத்து (திருத்துறைப்பூண்டி) ஆகியோா், புதன்கிழமை ஆய்வு செய்தனா்.

தொடா்ந்து, திருத்துறைப்பூண்டி நகராட்சி, அபிஷேக கட்டளை ஆதிதிராவிடா் மற்றும் பழங்குடியினா் அரசு மேல்நிலைப் பள்ளியில் அமைக்கப்பட்டுள்ள முகாமில் தங்கியுள்ளவா்களுக்கு காலை உணவு வழங்கப்படுவதையும், ஆரியலூா் பகுதியில் விவசாய நிலங்களில் நீா் தேங்கி நிற்பதையும் பாா்வையிட்டனா்.

பின்னா் அமைச்சா் டி.ஆா்.பி. ராஜா கூறியது:

திருவாரூா் மாவட்டத்தில் 176 இடங்கள் மழையால் பாதிக்கக்கூடிய பகுதிகள் என கண்டறியப்பட்டு, அந்தப் பகுதிகளுக்கு கூடுதல் முக்கியத்துவம் கொடுத்து கண்காணிப்பு மேற்கொள்ளப்பட்டது. இதுவரை 300 ஹெக்டேரில் நெற்பயிா்களை மழைநீா் சூழ்ந்துள்ளது. வியாழக்கிழமை மழை குறைந்தால் பாதிப்பு குறையும்.

திருத்துறைப்பூண்டி நிவாரண முகாமில் 140 போ், அபிஷேக கட்டளையில் 30 போ் தங்க வைக்கப்பட்டுள்ளனா். நீா்நிலைப் பகுதியில் குடியிருந்தவா்கள் முன்னறிவிப்பு செய்தும் அந்த இடத்திலிருந்து காலி செய்யாமல் இருந்ததால், மழையால் பாதிக்கப்பட்டுள்ளனா்.

குறிப்பாக, திருத்துறைப்பூண்டி புதிய பேருந்து நிலையம் பின்புறம் உள்ள வீரன் நகரில் வசித்து வரும் நரிக்குறவ சமுதாய மக்களுக்கு கொருக்கையில் நிலம் ஒதுக்கி பட்டா வழங்க நடவடிக்கை எடுக்கப்பட்டுள்ளது என்றாா்.

திருத்துறைப்பூண்டி நகா்மன்றத் தலைவா் கவிதாபாண்டியன், வட்டாட்சியா் குருமூா்த்தி உள்ளிட்டோா் உடனிருந்தனா்.