கோயில்களுக்கு இலவச மின்சாரம் வழங்கக் கோரிக்கை

கோயில்களுக்கு இலவச மின்சாரம் வழங்க வேண்டும் எனக் கோரிக்கை விடுக்கப்பட்டுள்ளது.

திருவாரூா் மாவட்ட ஆட்சியா் அலுவலகத்தில், பூசாரிகள் பேரமைப்பின் மாவட்டத் தலைவா் சதாசிவம் தலைமையில் 50-க்கும் மேற்பட்ட பூசாரிகள், திங்கள்கிழமை அளித்த கோரிக்கை மனு:

பெரிய திருக்கோயில்களின் வருவாயிலிருந்து நலிவுற்ற கோயில்களுக்கு தீபம் ஏற்றுவதற்கு எண்ணெய், நெய்வேத்தியப் பொருள்கள், வஸ்திரங்கள் உள்ளிட்ட பூஜைப் பொருள்கள் வழங்க வேண்டும். 12 ஆண்டுகளுக்கு மேல் கும்பாபிஷேகம் செய்யப்படாமல் சிதிலமடைந்திருக்கும் கோயில்களை சீரமைத்து கும்பாபிஷேகம் நடத்தவேண்டும்.

வீடுகளுக்கு 200 யூனிட் இலவச மின்சாரம் வழங்குவது போல், கோயில்களுக்கும் 200 யூனிட் இலவச மின்சாரம் வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டுள்ளன.