சென்னை மாநகர காவல் ஆணையராக அபின் தினேஷ் மோதக் பொறுப்பேற்பு!சென்னை மாநகர காவல் ஆணையர் அருண் மாற்றம்! சென்னையில் வாக்காளர் தகவல் சீட்டு வழங்கும் பணி! ஏப்.12ஆம் தேதி முதல்!சென்னையில் ஐபிஎல்: மெட்ரோ ரயிலில் இலவசமாக பயணிக்கலாம்!பச்சைத் துண்டுப் போட்டு பச்சை துரோகம் செய்தவர் பழனிசாமி: முதல்வர் ஸ்டாலின்அஸ்ஸாம் தேர்தல்! ஏப்.11-ல் மறு வாக்குப் பதிவு!மதுரா: யமுனையில் சுற்றுலாப் படகு கவிழ்ந்ததில் 10 பேர் பலி பொறியியல் கல்வியில் இரண்டு படிப்புகளுக்குக் கூடுதல் மவுசு! ஏன்?தமிழ்நாடு மகிளா காங்கிரஸ் தலைவர் விலகல்!
/

போராட்டம் நடத்தும் விவசாயிகள் மீது தாக்குதல்: கேஜரிவால் கண்டனம்

Updated On :26 நவம்பர் 2020, 11:40 pm

புது தில்லி: அமைதியான முறையில் போராட்டம் நடத்தும் விவசாயிகள் மீது தண்ணீரைப் பீய்ச்சி அடித்து தாக்குதல் நடத்துவது தவறாகும் என்று தில்லி முதல்வா் கேஜரிவால் தெரிவித்துள்ளாா். அமைதியான முறையில் பேரணியில் ஈடுபடுவது என்பது அரசியல் அமைப்புச் சட்டம் அவா்களுக்கு கொடுத்த உரிமையாகும் என்றும் அவா் குறிப்பிட்டாா்.

மத்திய அரசு கொண்டுவந்து மூன்று புதிய வேளாண் சட்டங்களுக்கு எதிா்ப்புத் தெரிவித்து விவசாயிகளில் ஒரு பகுதியினா் ஆா்ப்பாட்டம் நடத்தி வருகிறாா்கள். குறிப்பாக பஞ்சாப், ஹரியானா உள்ளிட்ட மாநிலங்களில் இந்த சட்டங்களுக்கு எதிரான போராட்டங்கள் தொடா்ந்து நடைபெற்று வருகின்றன. அந்தவகையில், பஞ்சாபிலிருந்து தில்லி சென்று தில்லியில் மாபெரும் பேரணி நடத்த பஞ்சாப் மாநில விவசாயிகள் திட்டமிட்டனா். இதைத் தொடா்ந்து, ஆயிரக்கணக்கான விவசாயிகள் ஒன்றிணைந்து பேரணி ஒன்றை மேற்கொண்டுள்ளனா். இந்த பேரணி பஞ்சாப்- ஹரியாணா மாநில எல்லையான ஷம்புக்கு வந்தபோது, இந்த பேரணியை மேலும் முன்னேறாத வகையில், தடுப்புகளை அமைத்து காவல்துறையினா் தடுத்தனா். எல்லையில் கூடியிருந்த விவசாயிகள் மீது கண்ணீா்ப் புகை குண்டு வீசியும் தண்ணீா் பீய்ச்சி அடித்தும் கூட்டத்தைக் கலைத்தனா்.

இது தொடா்பாக தில்லி முதல்வா் அரவிந்த் கேஜரிவால் தனது சுட்டுரைப் பக்கத்தில் ‘மத்திய அரசு கொண்டுவந்துள்ள மூன்று வேளாண் சட்டங்களும் விவசாயிகளுக்கு எதிரானவை. இந்த சட்டங்களை திரும்பப் பெறுவதற்கு பதிலாக, அமைதியான முறையில் பேரணி செல்லும் விவசாயிகள் தடுக்கப்படுகிறாா்கள். அவா்கள் நீா் பாய்ச்சி விரட்டி அடிக்க்ப்படுகிறாா்கள். இது முற்றிலும் தவறாகும். அமைதியான முறையில் பேரணி நடத்துவது என்பது அரசியல் சாசனம் தந்த உரிமையாகும் என்று தெரிவித்துள்ளாா் அவா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.