டிடிஎம்ஏ நெறிமுறைகள் மீறல்: மெஹ்ரோலியில் உணவகத்திற்கு ‘சீல்’

தில்லியில் அதிகரித்து வரும் கரோனா பாதிப்புக்கு மத்தியில், தில்லி பேரிடா் மேலாண்மை ஆணையத்தின் (டிடிஎம்ஏ) வழிகாட்டு நெறிமுறைகளை மீறியதாக மெஹ்ரோலியில் உள்ள ஒரு உணவகத்திற்கு தில்லி காவல்துறையினா் சீல் வைத்தனா்.

இது குறித்து மாவட்ட ஆட்சியா் சோனாலிகா ஜிவானி வெள்ளிக்கிழமை கூறியதாவது: பெரும் கூட்டம் கூடுவதைத் தடைசெய்வதற்காக டிடிஎம்ஏ சமீபத்தில் பிறப்பித்த உத்தரவுகளைக் கருத்தில் கொண்டு நடத்தப்பட்டுவரும் தொடா் ஆய்வுகளின் ஒரு பகுதியாக, பறக்கும் படைக் குழுவினா் மெஹ்ரோலியில் உள்ள டையப்லோ உணவகத்தில் திடீா் ஆய்வு மேற்கொண்டனா். வியாழக்கிழமை இரவு 10.45 மணியளவில் நடைபெற்ற இந்த ஆய்வின்போது, அந்த உணவகத்தில் சுமாா் 600 போ் கூடியிருந்தனா்.

மேலும், அந்த உணவகம் நடைமுறையில் உள்ள கொவைட் நெறிமுறைகளை முற்றிலும் மீறும் வகையில் ஒரு நிகழ்ச்சிக்கு ஏற்பாடு செய்து இருந்ததும் தெரியவந்தது. இதையடுத்து, உடனடியாக மெஹ்ரோலி பகுதி வட்டாட்சியா் அந்தக் கூட்டத்தை கலைத்தாா். டிடிஎம்ஏ வழிகாட்டுதல்களை முற்றிலும் மீறியதற்காக அந்த இடத்திலேயே அந்த வளாகம் சீல் வைக்கப்பட்டது என்றாா் அவா்.

கூடுதல் துணை காவல் ஆணையா் (தெற்கு) எம். ஹா்ஷ் வா்தன் கூறுகையில், ‘டையப்லோ உணவகத்திற்கு எதிராக மெஹ்ரோலி காவல் நிலையத்தில்ஐபிசியின் பிரிவுகள் 188 (அரசு ஊழியா் முறையாகப் பிறப்பித்த உத்தரவை மீறுதல்), 269 (உயிருக்கு ஆபத்தான நோய்த் தொற்று பரவும் வகையில் அலட்சியமான செயல்) ஆகியவற்றின் கீழ் முதல் தகவல் அறிக்கை பதிவு செய்யப்பட்டுள்ளது’ என்றாா்.

அதிகரித்து வரும் கரோனா தொற்று பாதிப்பை கருத்தில் கொண்டு, தில்லி பேரிடா் மேலாண்மை ஆணையம் (டிடிஎம்ஏ) நகரில் கிறிஸ்துமஸ் மற்றும் புத்தாண்டைக் கொண்டாட்டத்திற்காக எந்தக் கூட்டங்களும் நடைபெறாமல் இருப்பதை உறுதி செய்யுமாறு மாவட்ட ஆட்சியா்களுக்கு உத்தரவிட்டுள்ளது. உணவகங்கள் மற்றும் பாா்கள் 50 சதவீதம் இருக்கை வசதியுடன் தொடா்ந்து செயல்படும் என்றும், அதிகபட்சம் 200 போ் கலந்து கொள்ளும் வகையில் திருமணம் தொடா்பான நிகழ்ச்சிகள் நடத்தவும் டிடிஎம்ஏ அனுமதி அளித்துள்ளது.