தில்லியில் புதிதாக 256 பேருக்கு கரோனா

தில்லியில் வெள்ளிக்கிழமை புதிதாக 256 பேருக்கு கரோனா தொற்று உறுதி செய்யப்பட்டுள்ளது. பிப்ரவரி மாதத்தில் தில்லியில் பதிவாகிய அதிகளவு கரோனா பாதிப்பு இதுவாகும்.

இதன்மூலம் தொற்றால் பாதிக்கப்பட்டோரின் மொத்த எண்ணிக்கை 6,38,849-ஆக உயா்ந்துள்ளது.

இதுதொடா்பாக தில்லி சுகாதாரத் துறை வெளியிட்டுள்ள செய்திக் குறிப்பு:

தில்லியில் வெள்ளிக்கிழமை மாலை வரையிலான 24 மணி நேரத்தில் மொத்தம் 62,768 பேருக்கு கரோனா பரிசோதனை மேற்கொள்ளப்பட்டது. அதில் 41,775 பேருக்கு ‘ஆா்டி-பிசிஆா்’ பரிசோதனை, 20,993 பேருக்கு ‘ரேபிட்-ஆன்டிஜென்’ பரிசோதனை மேற்கொள்ளப்பட்டது. கரோனா பாதிப்பு விகிதம் 0.41 சதவீதமாக உள்ளது.

கரோனா தொற்றால் தலைநகரில் வெள்ளிக்கிழமை ஒருவா் உயிரிழந்துள்ளாா். இதன்மூலம், மொத்த பலி எண்ணிக்கை 10,906-ஆக அதிகரித்துள்ளது. அதேசமயம், கரோனா பாதிப்பில் இருந்து 193 போ் மீண்டுள்ளனா். இதன்மூலம், குணமடைந்தோா் மொத்த எண்ணிக்கை 6,26,712-ஆக உயா்ந்துள்ளது. தற்போது 1,231 போ் கரோனா சிகிச்சையில் உள்ளனா். அவா்களில், 574 போ் வீடுகளில் தனிமைப்படுத்தப்பட்டுள்ளனா். தில்லி மருத்துவமனைகளில் மொத்தம் 5,352 கரோனா படுக்கைகள் காலியாக உள்ளன என்று தெரிவிக்கப்பட்டுள்ளது.