'தமிழக பேரவைத் தோ்தலில் ஆம் ஆத்மி போட்டியிடாது'

புது தில்லி: தமிழக சட்டப்பேரவைத் தோ்தலில் ஆம் ஆத்மி கட்சி போட்டியிடாது என்று அந்தக் கட்சியின் தேசிய ஒருங்கிணைப்பாளரும், தில்லி முதல்வருமான அரவிந்த் கேஜரிவால் தெரிவித்துள்ளாா்.

தமிழகத்தில் வரும் ஏப்ரல் 6-ஆம் தேதி சட்டப்பேரவைத் தோ்தல் நடைபெறுகிறது. இதற்காக அரசியல் கட்சிகள் கூட்டணிப் பேச்சுவாா்த்தை, தொகுதிப் பங்கீடு போன்றவற்றில் தீவிரம் காட்டி வருகின்றன. இதையொட்டி, ஒருபுறம் அதிமுக - பாஜக கூட்டணியும், மறுபுறம் திமுக - காங்கிரஸ், கூட்டணியும் பேச்சுவாா்த்தையில் மும்முரமாக ஈடுபட்டு வருகின்றன. மக்கள் நீதி மய்யம் தலைவா் கமல்ஹாசன் தலைமையில் 3-ஆவது அணி அமைக்க முயற்சி நடந்து வருகிறது. மக்கள் நீதி மய்யத்துடன் சரத்துகுமாரின் சமத்துவ மக்கள் கட்சி, பச்சை முத்து எம்பியின் இந்திய ஜனநாயக கட்சி போன்றவை கூட்டணி வைக்க உள்ளதாக தகவல்கள் வெளியாகியுள்ளன.

இந்த நிலையில், தில்லியில் ஆட்சி செய்துவரும் ஆம்ஆத்மி கட்சியும் இந்தக் கூட்டணியில் இணையவுள்ளதாகக் கூறப்பட்டது. கமல் ஹாசனின் மக்கள் நீதி மய்யத்தின் தொடக்க விழாவில் கலந்து கொண்ட கேஜரிவாலுக்கும், கமல் ஹாசனுக்கும் இடையே ஆழமான நட்பு உள்ளது. இதனால், இந்தக் கூட்டணி உருவாகலாம் என எதிா்பாா்க்கப்பட்டது.

இது போன்ற சூழ்நிலையில், தமிழக சட்டப் பேரவைத் தோ்தலில் ஆம்ஆத்மி கட்சி போட்டியிடுமா என தில்லியில் கேஜரிவாலிடம் வியாழக்கிழமை கேள்வி எழுப்பினா். அப்போது அவா், கூறுகையில் ‘தமிழக்ப் பேரவைத் தோ்தலில் ஆம் ஆத்மி கட்சி போட்டியிடாது’ என அவா் பதிலளித்துள்ளாா்.

ஆனால், மக்கள் நீதி மய்யக் கூட்டணிக்கு கேஜரிவால் ஆதரவு அளிப்பதுடன், கமல் ஹாசனை ஆதரித்து தமிழகத்தில் கேஜரிவால் தோ்தல் பிரசாரம் செய்யலாம் என்றும் தகவலறிந்த வட்டாரங்கள் தெரிவிக்கின்றன.