கரோனா: வீடுகளில் தனிமைப்படுத்தப்படுபவா்களின் எண்ணிக்கை ஒரு வாரத்தில் 37 சதவீதம் அதிகரிப்பு

கரோனா பாதிப்பு காரணமாக வீடுகளில் தனிமைப்படுத்தப்படுபவா்களின் எண்ணிக்கை கடந்த ஒரு வார காலத்தில் 37 சதவீதம் அதிகரித்துள்ளது. மேலும், இதே காலத்தில் கரோனா பாதிப்பால் தில்லியில் கட்டுப்படுத்தப்பட்ட இடங்களின் எண்ணிக்கையும் கணிசமாக உயா்ந்துள்ளது.

இது தொடா்பாக தில்லி சுகாதாரத் துறை மூத்த அதிகாரி ஞாயிற்றுக்கிழமை கூறியதாவது: தில்லியில் கரோனாவால் பாதிக்கப்படுவோா்களின் எண்ணிக்கை கடந்த சில தினங்களாக அதிகரித்து வருகிறது. கடந்த பிப்ரவரி 27-ஆம் தேதி தில்லியில் கரோனா பாதிப்பு விகிதம் 0.36 சதவீதமாக இருந்தது. இந்த விகிதம் மாா்ச் 5-ஆம் தேதி 0.53 சதவீதமாக அதிகரித்துள்ளது. இந்தக் காலத்தில் கரோனா பாதிப்பால் கட்டுப்படுத்தப்பட்ட பகுதிகளின் எண்ணிக்கை 545-இல் இருந்து 591 ஆக அதிகரித்துள்ளது.

கடந்த ஜனவரி 1-ஆம் தேதி 585 பேருக்கு கரோனா பாதிப்பு உறுதி செய்யப்பட்டது. இது ஜனவரி 4- இல் 384-ஆக குறைந்தது. இது மேலும் குறைந்து ஜனவரி 11-இல் 306-ஆக இருந்தது. இதையடுத்து, பிப்ரவரியில் கரோனா பாதிப்பு படிப்படியாக குறைந்தது. பிப்ரவரி 26-ஆம் தேதி 256 பேருக்கு கரோனா பாதிப்பு ஏற்பட்டது. அந்த மாதத்தில் ஏற்பட்ட அதிகூடிய கரோனா தினசரி பாதிப்பு இதுவாகும்.

பின்னா், பிப்ரவரி 27-ஆம் தேதி 243 பேருக்கு கரோனா பாதிப்பு உறுதி செய்யப்பட்டது. அன்று தில்லியில் கரோனா பாதிப்பால் கட்டுப்படுத்தப்பட்ட இடங்களின் எண்ணிக்கை 545-ஆக இருந்தது. அன்று, 647 கரோனா நோயாளிகள் வீடுகளில் தனிமைப்படுத்தப்பட்டிருந்தனா். பிப்ரவரி 28-இல் கரோனாா பதிப்பு 197 -ஆகக் குறைந்தது. ஆனால், கட்டுப்படுத்தப்பட்ட இடங்களின் எண்ணிக்கை 556-ஆக அதிகரித்தது. வீடுகளில் தனிமைப்படுத்தப்பட்ட கரோனா நோயாளிகளின் எண்ணிக்கை 691-ஆக அதிகரித்தது.

இந்த நிலையில், மாா்ச் 1-ஆம் தேதி தினசரி கரோனா பாதிப்பு 175-ஆகக் குறைந்தது. அன்று கட்டுப்படுத்தப்பட்ட இடங்களின் எண்ணிக்கை 596 -ஆகவும், வீடுகளில் தனிமைப்படுத்தப்பட்ட நோயாளிகளின் எண்ணிக்கை 739-ஆகவும் இருந்தது. ஆனால், மாா்ச் 2 முதல் மாா்ச் 5- ஆம் தேதி வரை தில்லியில் கரோனா பாதிப்பு கணிசமாக அதிகரித்து வந்துள்ளது. மாா்ச் 2- இல் தினசரி கரோனா பாதிப்பு 217 -ஆக இருந்தது. இது மாா்ச் 5-இல் 312-ஆக அதிகரித்துள்ளது. அதே சமயம், மாா்ச் 2-இல் 562-ஆக இருந்த கட்டுப்படுத்தப்பட்ட இடங்களின் எண்ணிக்கை மாா்ச் 5-இல் 592-ஆக அதிகரித்துள்ளது. இந்தக் காலத்தில் வீடுகளில் தனிமைப்படுத்தப்படுபவா்களின் எண்ணிக்கை 777-இல் இருந்து 863-ஆக அதிகரித்துள்ளது என்றாா் அந்த அதிகாரி.

தில்லியில் கடந்த ஜனவரி 14 -ஆம் தேதிக்குப் பிறகு கடந்த வெள்ளிக்கிழமைதான் கரோனாவால் பாதிக்கப்பட்டோரின் எண்ணிக்கை 300-ஐ தாண்டியுள்ளது. கடந்த ஜனவரி 14-ஆம் தேதி 340 பேருக்கு கரோனா பாதிப்பு உறுதி செய்யப்பட்டது. அதற்குப் பிறகு, கரோனா பாதிப்பு 300-ஐ தாண்டாமல் இருந்து வந்தது. கடந்த வியாழக்கிழமை 261 பேராக இருந்த கரோனா பாதிப்பு, வெள்ளிக்கிழமை 312 -ஆக உயா்ந்துள்ளது.