கோபி தொகுதியில் செங்கோட்டையனின் வேட்புமனு நிறுத்திவைப்பு!திருச்சி கிழக்கிலும் விஜய் வேட்புமனு ஏற்பு! முதல்வர் வேட்பாளர்கள் 4 பேரின் வேட்புமனுவும் ஏற்பு! கொளத்தூரில் முதல்வர் ஸ்டாலின் வேட்புமனு ஏற்பு! பெரம்பூரில் விஜய் வேட்புமனு ஏற்பு!ஏர் இந்தியா தலைமை நிர்வாக அதிகாரி கேம்ப்பெல் வில்சன் ராஜிநாமா!ஈரானை ஒரே நாள் இரவில் அழித்துவிட முடியும்: டிரம்ப் எச்சரிக்கை!
/

காவல் உயரதிகாரிகள் மீது நடவடிக்கை கோரி தலைமைத் தோ்தல் ஆணையத்தில் திமுக புகாா்

தமிழகத்தில் உள்ள காவல் உயரதிகாரிகள் சிலா் மீது நடவடிக்கை எடுக்கக் கோரி தில்லியில் உள்ள தலைமைத் தோ்தல் ஆணையத்தில் திமுக எம்பிக்கள் திங்கள்கிழமை புகாா் அளித்தனா்.

News image

தில்லியில் திங்கள்கிழமை தலைமைத் தோ்தல் அலுவலகத்தில் மனு அளித்த பிறகு செய்தியாளா்களுக்குப் பேட்டியளிக்கும் மாநிலங்களவை திமுக உறுப்பினா்கள் டி.கே.எஸ். இளங்கோவன், பி. வில்சன்.

Updated On :22 மார்ச் 2021, 6:30 pm

புது தில்லி: தமிழகத்தில் உள்ள காவல் உயரதிகாரிகள் சிலா் மீது நடவடிக்கை எடுக்கக் கோரி தில்லியில் உள்ள தலைமைத் தோ்தல் ஆணையத்தில் திமுக எம்பிக்கள் திங்கள்கிழமை புகாா் அளித்தனா்.

இது தொடா்பாக தலைமைத் தோ்தல் ஆணையத்தில் செக்ரட்டரி ஜெனரல் உமேஷ் சின்ஹாவை மாநிலங்களவை திமுக உறுப்பினா்கள் டி.கே.எஸ். இளங்கோவன், பி.வில்சன் ஆகியோா் நேரில் சந்தித்து மனு அளித்தனா்.

இது குறித்து பி. வில்சன் எம்பி கூறியதாவது: அனைத்து வாக்குப்பதிவு மையங்களிலும் சிசிடிவி மூலம் கண்காணிப்பது, வாக்குப்பதிவு இயந்திரங்கள் வைக்கப்பட்டுள்ள பகுதியின் வெளிப் பகுதியில் ஜாமா்ஸ் கருவிகள் வைப்பது, தடையற்ற மின் விநியோகம் வழங்கும் வகையில் ஜெனரேட்டா்கள் அமைப்பது, வாக்கு எண்ணும் மையப் பகுதியைச் சுற்றிலும் ஜாமா்ஸ் கருவிகள் பொருத்துவது, வாக்குப் பதிவாகும் மேஜைகள்தோறும் சிசிடிவி அமைப்பது ஆகியவை தொடா்பாகத் தோ்தல் ஆணையத்தில் மாா்ச் 10-ஆம் தேதி திமுக தரப்பில் மனு அளிக்கப்பட்டிருந்தது. அது தொடா்பாக எடுக்கப்பட்ட நடவடிக்கைகள் குறித்து தோ்தல் ஆணைய உயரதிகாரியிடம் பேசினோம்.

இதுதவிர, தோ்தலில் போட்டியிடும் வேட்பாளா்கள் விவரம் வெளியான நிலையில், வாக்குப்பதிவு இயந்திரங்களில் வேட்பாளா்களின் வரிசை விவரம் தெரிந்துள்ளதால், அந்த இயந்திரங்களை ‘டேம்பா்’ செய்ய முடியாத வகையில், அந்த இயந்திரங்கள் வைக்கப்பட்டுள்ள பகுதியைச் சுற்றி போலீஸ் பாதுகாப்பு பலப்படுத்துவதுடன், அவற்றை வாக்குப் பதிவு மையத்திற்கு எடுத்துச் செல்லும் வரையிலும் வேட்பாளா்களின் பிரதிநிதிகள் கண்காணிக்க ஆணையம் அனுமதி அளிக்க வேண்டும் என்று கேட்டுக் கொண்டோம்.

தமிழகத்தில் காவல் துறை உயரதிகாரிகள் ஆளும் கட்சிக்கு ஆதரவாகப் பணத்தை வாகனங்களில் எடுத்துச் செல்வதற்கு ஆதரவாக செயல்பட்டு வருகின்றனா். காா்ப்பரேஷன் வாகனங்களை துஷ்பிரயோகம் செய்து வருகின்றனா் என்றும் புகாா் அளித்தோம். எங்களது கோரிக்கையைப் பரிசீலித்து வருவதாக செகரட்டரி ஜெனரல் உமேஷ் சின்ஹா கூறினாா். மேலும், தோ்தல் ஆணையம் தனது சொந்த ‘இன்புட்’ மூலம் தகவல் சேகரித்து வருவதாகவும் அவா் தெரிவித்துள்ளாா் என்றாா் பி.வில்சன்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.