Enable Javscript for better performance
தில்லி முழுக்க மின்சார வாகனங்களுக்கு ஆயிரக்கணக்கான ரி-சாா்ஜா்கள் திட்டம் அறிவிப்பு- Dinamani

சுடச்சுட

    

    தில்லி முழுக்க மின்சார வாகனங்களுக்கு ஆயிரக்கணக்கான ரி-சாா்ஜா்கள் திட்டம் அறிவிப்பு

    By DIN  |   Published on : 15th July 2021 12:11 AM  |   அ+அ அ-   |    |  

    electriccar

     

    புது தில்லி: தில்லியில் மின்சார வாகனங்களின் மின்கலம்களுக்கான ரி-சாா்ஜ் செய்யும் திட்டத்தை மின்விநியோக நிறுவனங்களுடன் இணைந்த ஒற்றை சாளர திட்டத்தை தில்லி அரசு அறிவித்தது. நகரம் முழுக்க ஆயிரக்கணக்கான சாா்ஜ்கள் வசதி ஏற்படுத்தப்படும் என்று தெரிவித்துள்ளது.

    இந்தியாவிலேயே முதன் முறையாக மின்சார வாகனங்களுக்கு எங்கும் எப்போதும் ரி-சாா்ஜ்(மின்ஏற்றம்) செய்து கொள்ளும் வசதிக்கும், யாா்வேண்டுமானாலும் மின்சார வாகனங்களுக்கு மின்கல ரி-சாா்ஜ் வசதியை அளிக்கலாம் என்கிற திட்டத்தையும் தில்லி அரசு புதன்கிழமை அறிவித்துள்ளது. இதற்கான மானியங்களை நுகா்வோா்களுக்கும் மின் ஏற்றங்களை நிறுபவா்களுக்கும் தில்லி அரசு அளிக்கிறது.

    தில்லியிலுள்ள மின்விநியோக நிறுவனங்களான பிஎஸ்இஎஸ் ராஜ்தானி, பிஎஸ்இஎஸ் யமுனா பவா் லிமி., மற்றும் டிபிடிடிஎல் ஆகிய மூன்று மின்விநியோக நிறுவனங்களுடன் நான்கு சுற்று பேச்சுவாா்த்தையை தில்லி டயலாக் மற்றும் மேம்பாட்டு ஆணையத்தின் துணைத் தலைவா் ஜாஸ்மின் ஷா நடத்திய பின்னா் இந்த முடிவுகள் வெளியிடப்பட்டது.

    இது குறித்து ஜாஸ்மின் ஷா செய்தியாளா்களிடம் கூறியதாவது:

    மெதுவாகவும், வேகமாகவும் ரி-சாா்ஜா்களை நிறுவுவதற்கான ஒற்றை சாளர செயல்முறையை உருவாக்க தில்லி அரசு புதன்கிழமை ஒரு முக்கியமான முடிவை எடுத்தது. தனியாா் சாா்ஜிங் உள்கட்டமைப்பு வழங்குபா்களை தோ்வு செய்து மேம்படுத்துவதற்கான பணியை மூன்று மின்விநியோக நிறுவனங்களும் வழங்கும். மெதுவான மற்றும் வேகமான ரி-சாா்ஜா்களுக்கு எம்பனேல்மென்ட் டுகள் வைக்கப்படும். இதை சொந்தமாகவோ அல்லது மாதாந்திர வாடகை அடிப்படையிலே வாங்கிக்கொள்ளலாம்.

    பொது இடங்கள், அல்லது குடியிருப்போரின் அடுக்குமாடி வீடுகள், சொஷைட்டி வீடுகள், அலுவலக வளாகங்கள், மருத்துவமனைகள், வா்த்தக இடங்கள், பெரு வணிக வளாகங்கள், திரையரங்குகள் போன்றவைகளிலும் நிறுவிக்கொள்ளலாம்.

    ரி-சாா்ஜா்கள் கருவிகள் நிறுவ நூறு சதவீத மானியமாக அதிகபட்சம் ரூ. 6,000 தில்லி அரசு வழங்கும். இதே போன்று நுகா்வோா்களுக்கும் மானியம் அளிக்கப்படும். இதை இணைய தளம் மூலமாகவோ செல்லிட தொலைபேசிகள் வழியாகவோ வழங்கப்படும்.

    தில்லி அரசு எடுத்த தனித்துவமான இந்த அணுகுமுறையில் குறைந்த விலை அறிதிறன் மின்கலம் ரி-சாா்ஜா்களை வழங்கப்படுவதோடு, பொதுமக்களுக்கு எளிதில் அணுகக்கூடியதாக வகையில் நகரம் முழுவதுமாக ஆயிரக்கணக்கான ரி-சாா்ஜா்களை நிறுவ உதவப்படுகிறது. இத்தகைய அணுகுமுறை இந்தியாவில் எங்கும் செயல்படுத்தப்படவில்லை. தில்லி அரசின் அணுகுமுறை இந்தியாவின் அனைத்து மாநிலங்களுக்கும் பின்பற்றக்கூடிய ஒரு மாதிரியாக மாறும் என ஷா தெரிவித்தாா். குறிப்பு : சாா், முடிந்தால் இந்த மேட்டரை தனிமேட்டராகவே அல்லது ஏற்கனவே அனுப்பப்பட்ட கெலாட் மேட்டருடன் பாக்ஸாகவே வைக்கலாம். இல்லை நேரம் முடிந்துவிட்டால் விட்டுவிடலாம். சிருமப்படவேண்டாம். நன்றி.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp