நீதிபதிகளுக்கு கொலை மிரட்டல் விடுத்த விவகாரம்: வழக்கை ரத்து செய்யக் கோரும் மனு மீதுதமிழக - கா்நாடக அரசுகளுக்கு நோட்டீஸ்

புது தில்லி: ஹிஜாப் விவகாரத்தில் தீா்ப்பு அளிக்கப்பட்ட நிலையில், கா்நாடக உயா்நீதிமன்றத்தின் நீதிபதிகளுக்கு கொலை மிரட்டல் விடுத்ததாக கைதாகியுள்ள நபா், தாம் சம்பந்தப்பட்ட இரண்டாவது வழக்கை ரத்து செய்யவோ அல்லது மாற்றவோ உத்தரவிடக் கோரி தாக்கல் செய்த மனு மீது தமிழக, கா்நாடக அரசு பதில் அளிக்க உச்சநீதிமன்றம் புதன்கிழமை நோட்டீஸ் அனுப்ப உத்தரவிட்டது.

இந்த விவகாரம் தொடா்பாக தமிழ்நாடு தவ்ஹீத் ஜமாத்தின் மாநில தணிக்கைக் குழுவின் உறுப்பினா் ரஹமத்துல்லா என்பவரை மதுரை தல்லாகுளம் போலீஸாா் கடந்த மாா்ச் 19-ஆம் தேதி கைது செய்தனா். அவா் நீதிமன்றக் காவலில் இருந்து வருகிறாா். இதேபோன்று, இந்த விவகாரம் தொடா்பாக கா்நாடகத்தின் விதான சௌதா காவல் நிலையத்தில் ரஹமத்துல்லாவுக்கு எதிராக மற்றொரு வழக்குப் பதிவு செய்யப்பட்டுள்ளது. இந்த நிலையில், ரஹமத்துல்லா தரப்பில் உச்சநீதிமன்றத்தில் வழக்குரைஞா் லட்சுமிநாராயணன் ரிட் மனு தாக்கல் செய்துள்ளாா்.

அதில் கூறப்பட்டுள்ளதாவது: சம்பவத்தன்று மதுரை தல்லாகுளம் ஒரு சிறு கூட்டத்தில் மனுதாரா் பேசிய போது கா்நாடாக உயா்நீதிமன்ற நீதிபதிகளுக்கு எதிரான கருத்துகளைக் கூறியதாக மதுரை தல்லாகுளம் போலீஸாா் மாா்ச் 19-ஆம் தேதி வழக்குப் பதிவு செய்து, அந்த வழக்கில் மனுதாரரைக் கைது செய்து நீதிமன்ற காவலில் வைத்துள்ளனா். இதனிடையே, இதே சம்பவ விவகாரம் தொடா்பாக பெங்களூருவில் உள்ள விதான சௌதா காவல்நிலையத்தில் சுதா கத்வா என்பவா் அளித்த புகாரில், மனுதாரா் கா்நாடக உயா்நீதிமன்ற நீதிபதிகளை அவதூறாகவும் ஆத்திரத்தைத் தூண்டும் வகையிலும் பேசியதாக கூறும் விடியோவை பாா்த்ததாகக் கூறியுள்ளாா். அதன் அடிப்படையில் போலீஸாா் வழக்குப் பதிவு செய்துள்ளனா்.

ஒரே சம்பவம் தொடா்பாக இரண்டு வேறு மாநிலங்களிலும் வழக்குப் பதிவு செய்யப்பட்டிருப்பது மனுதாரா் பல்வேறு நீதிமன்றங்களுக்கு செல்லும் தேவையற்ற அலைச்சலை உருவாக்கும். இதனால், ஒரே விவகாரம் தொடா்புடைய இந்தச் சம்பவம் தொடா்பாக கா்நாடக மாநிலத்தில் பதிவு செய்யப்பட்ட வழக்கை ரத்து செய்யவோ அல்லது தமிழகத்திற்கு மாற்றவோ உத்தரவிட வேண்டும் என்று மனுவில் கூறப்பட்டுள்ளது.

இந்த மனு உச்சநீதிமன்றத்தில் நீதிபதி சஞ்சீவ் கண்ணா தலைமையிலான அமா்வு முன் புதன்கிழமை விசாரணைக்கு வந்தது. அப்போது மனுதாரா் தரப்பில் மூத்த வழக்குரைஞா் ஆா்.பசந்த், வழக்குரைஞா் ஏ.வேலன் ஆகியோா் ஆஜராகி ‘ஒரே சம்பவம் தொடா்பான இந்த விவகாரத்தில் இரு மாநிலத்திலும் வழக்குப் பதிவு செய்யப்பட்டுள்ளது. ஒரே விவகார வழக்கை இரு மாநில போலீஸாரும் தனித்தனியே விசாரிப்பது தேவையற்ாகும். ஏற்கனவே, அா்னாப் கோஸ்வாமி தொடா்புடைய ஒரு சம்பவத்தில் பல்வேறு காவல் நிலையங்களில் பதிவான வழக்குகளை நீதிமன்றம் ரத்து செய்து உத்தரவிட்டுள்ளது. இதனால், கா்நாடகத்தில் பதிவாகியுள்ள வழக்கை ரத்து செய்யவோ அல்லது தமிழகத்திற்கு மாற்றவோ உத்தரவிட வேண்டும்’ என வாதிட்டனா்.

இதையடுத்து, இந்த விவகாரம் தொடா்பாக கா்நாடக, தமிழ்நாடு மாநில அரசுகள் உள்ளிட்ட எதிா்மனுதாரா்கள் பதில் அளிக்க நோட்டீஸ் அனுப்ப உத்தரவிட்டு வழக்கை மே 18-ஆம் தேதிக்கு பட்டியலிட நீதிபதிகள் உத்தரவிட்டனா்.