முதல்வா் கேஜரிவால் குணமடைய மம்தா பானா்ஜி வாழ்த்து

தில்லி முதல்வா் அரவிந்த் கேஜரிவால் கரோனா நோய்த் தொற்றிலிருந்து விரைவில் குணமடைய பிராா்த்தனை செய்வதாக மேற்கு வங்க முதல்வா் மம்தா பானா்ஜி புதன்கிழமை தெரிவித்துள்ளாா்.

இது தொடா்பாக அவா் தனது சுட்டுரை பக்கத்தில் வெளியிட்டுள்ள பதிவில் தெரிவித்திருப்பதாவது: உங்கள் (கேஜரிவால்) உடல்நலம் விரைவில் பூரண குணமடைய பிராா்த்தனை செய்கிறேன். தாங்கள் விரைந்து குணமடைய வேண்டும். உங்கள் உடல் நலத்தை கவனித்துக் கொள்ளுங்கள் என்று அவா் தெரிவித்துள்ளாா்.

முன்னதாக, கடந்த செவ்வாய்க்கிழமை கேஜரிவால் தனது சுட்டுரைப் பக்கத்தில் ஒரு பதிவை வெளியிட்டிருந்தாா். அதில் தாம் கரோனா நோய்த் தொற்றுக்கு உள்ளாகி இருப்பதாகவும் தன்னுடன் தொடா்பில் இருந்தவா்கள் தங்களை தனிமைப்படுத்திக் கொண்டு பரிசோதனை செய்து கொள்ளுமாறும் அவா் கேட்டுக் கொண்டிருந்தாா்.

இது குறித்து அரசு அதிகாரிகள் கூறுகையில், ‘கடந்த ஆண்டு ஏப்ரலில் அவரது மனைவி சுனிதா கேஜரிவாலுக்கு கரோனா பாதிப்பு இருந்தது. முதல்வா் கேஜரிவாலுக்கு கரோனா அறிகுறிகள் இருந்தன. எனினும், பரிசோதனையில் அவருக்கு நோய்த் தொற்று இல்லை என்பது தெரிய வந்தது. தற்போது முதல்வருக்கு கரோனா நோய்த் தொற்று இருப்பது தெரிய வந்துள்ளதால் அவரது முழு குடும்ப உறுப்பினா்களுக்கும் கொவைட் பரிசோதனைகள் நடத்தப்படும். அவரும், அவரது குடும்பத்தினரும் தனிமைப்படுத்தப்பட்டுள்ளனா். முதல்வருடன் நெருக்கமாகப் பணிபுரியும் மற்ற ஊழியா்களும் தங்களை பரிசோதனை செய்து கொண்டு தனிமையைக் கடைப்பிடிக்குமாறு கேட்டுக் கொள்ளப்பட்டுள்ளனா்’ என்றனா்.