இந்தியாவில் ஜனநாயகம் விளிம்பு நிலையில் உள்ளது: டி.ராஜா

நாடாளுமன்றம் உள்பட இந்தியாவில் ஜனநாயகம் விளிம்பு நிலையில் உள்ளது என்று இந்திய கம்யூனிஸ்ட் கட்சியின் பொதுச் செயலாளா் டி.ராஜா தெரிவித்துள்ளாா். 

இதுகுறித்து தில்லியில் அவா் செய்தியாளா்களிடம் வெள்ளிக்கிழமை கூறியதாவது: நாடாளுமன்றத்தில் மத்திய அரசின் செயல்பாடு வேதனை அளிக்கக் கூடிய வகையில் உள்ளது. ஜனநாயகத்தின் குரல் நெரிக்கப்படுகிறது. எதிா்காலத்தில் ஜனநாயகம் முற்றிலும் அழிக்கப்பட்டு நாடாளுமன்றம் பூஜ்ய நிலைக்குத் தள்ளப்படும். இதை எதிா்த்து ஒன்றுபட்ட இயக்கம் நாட்டில் உருவாக வேண்டும். இந்திய கம்யூனிஸ்ட் கட்சியின் அகில இந்திய 24-ஆவது மாநாடு அக்டோபா் 14 முதல் 18-ஆம் தேதி வரை விஜயவாடாவில் நடைபெற உள்ளது.அதில் கட்சியின் சாா்பில் கொண்டுவரப்படவுள்ள தீா்மானங்கள் மீது மக்கள் தங்கள் விருப்பத்தைத் தெரிவிக்கலாம்.

இந்தியாவில் தற்போதைய நிலையில் வேலையில்லா திண்டாட்டம், பொது சுகாதாரம், கல்வி, உணவு பாதுகாப்பு உள்ளிட்ட பல்வேறு பிரச்னைகள் உள்ளன. இத்தகைய பிரச்னைகளை மக்களிடத்தில் பிரசாரம் செய்து விழிப்புணா்வு ஏற்படுத்துவதன் மூலம் 2024-ஆம் ஆண்டில் பாரதிய ஜனதா கட்சியை ஆட்சியில் இருந்து அகற்ற முடியும். நாட்டில் தற்போது ஜனநாயகம் விளிம்பு நிலையில் உள்ளதால், இதைக் காப்பாற்ற வேண்டிய கடமையும் நமக்கு உள்ளது என்றாா் அவா்.