3 வழித்தடங்களில் மெட்ரோ ரயில் சேவையில் பாதிப்பு! பயணிகள் கடும் அவதி

புது தில்லி: சிக்னலிங் சிஸ்டத்தில் ஏற்பட்ட தொழில்நுட்பக் கோளாறு காரணமாக, தில்லி மெட்ரோவின் மூன்று வழித்தடங்களில் வியாழக்கிழமை காலை சுமாா் 3 மணி நேரம் ரயில் சேவைகள் தாமதமாகியது. இதனால், பயணிகள் நீண்ட வரிசையில் காத்திருந்தனா்.

இது குறித்து தில்லி மெட்ரோ ரயில் நிறுவன (டிஎம்ஆா்சி) அதிகாரிகள் கூறுகையில், ‘வியாழக்கிழமை காலை தொழில்நுட்பக் கோளாறு காரணமாக மூன்று வழித்தடங்களில் காலை 8.05 மணி முதல் காலை 11.05 மணி வரை சேவையில் பாதிப்பு ஏற்பட்டது’ என்றனா்.

நீண்ட வரிசையில் காத்திருப்பு: அதே வேளையில், பல பயணிகள் ரயில்களின் வருகைக்காக நீண்ட வரிசையில் நிற்கும் பயணிகளின் புகைப்படங்களை சமூக ஊடகங்களில் பகிா்ந்தனா். தினமும் ஏராளமானோா் குறிப்பாக அலுவலகம் செல்வோா், தில்லி மற்றும் அண்டை நகரங்களில் உள்ள தங்கள் இடங்களுக்குச் செல்ல, காலை வேளையில் மெட்ரோ ரயில்ல் பயணம் செய்து வருகின்றனா். இந்த நிலையில், தில்லி மெட்ரோவின் 3 வழித்தடங்களில் ஏற்பட்ட சேவைத் தடங்கலால் அவா்கள் உரிய நேரத்திற்கு இருப்பிடத்தை அடைவதில் தாமதம் ஏற்பட்டது.

காரணம் என்ன?: இது குறித்து டிஎம்ஆா்சி உயரதிகாரி கூறியதாவது: சிக்னலிங் பிரச்னை காரணமாக வழித்தடம்-5 (கிரீன் லைன் அதாவது இந்தா்லோக்/கீா்த்தி நகா் முதல் பிரிகேடியா் ஹோஷியாா் சிங் வரையிலும்), வழித்தடம்-6 (வயலட் லைன் அதாவது கஷ்மீா் கேட் முதல் ராஜா நாஹா் சிங் வரை), வழித்தடம்-7 (பிங்க் லைன் அதாவது மஜ்லிஸ் பாா்க் - ஷிவ் விஹாா் வரை) ரயில் சேவைகள் காலை 8.05 மணி முதல் காலை 11.05 மணி வரை பாதிக்கப்பட்டு, கட்டுப்படுத்தப்பட்ட வேகத்தில் ரயில்களின் இயக்கம் இருந்தது. இந்தக் காலகட்டத்தில், பயணிகளுக்கு ஏற்படும் தாமதம் மற்றும் சிரமத்தை குறைக்கும் வகையில் இந்த வழித்தடங்களில் சேவைகள் ஒழுங்குபடுத்தப்பட்டன.

இந்த வழித்தடங்களில் சிக்னல்கள்/ஐடிகள் இல்லாததால், ரயில்கள் கட்டுப்படுத்தப்பட்ட வேகத்தில் செல்ல வேண்டியிருந்தது. இதனால், ரயில்களின் நெரிசலை குறைக்கவும், ரயில்களின் சீரான இயக்கத்தை உறுதிப்படுத்தவும் பணிமனைகளில் இருந்து ரயில்களை இயக்குவது ஒழுங்குபடுத்தப்பட்டது. நிலைமை குறித்து ரயில் நிலையங்களின் வளாகங்களிலும் ரயில்களுக்குள்ளும் அடிக்கடி இடைவெளிவிட்டு பயணிகளுக்கு அறிவிப்புகள் மூலம் தெரிவிக்கப்பட்டது.

உச்சபட்ச நெரிசல் நேரத்தின்போது பயணிகள் சீராகச் செல்வதை உறுதி செய்வதற்காக, போக்குவரத்து அதிகம் உள்ள சில ரயில் நிலையங்களில் கூடுதல் பணியாளா்கள் பணியில் அமா்த்தப்பட்டனா். காலை 11.05 மணிக்கு சிக்னலிங் பிரச்னை சரிசெய்யப்பட்டது. அதன்பிறகு 5, 6 மற்றும் 7 ஆகிய வழித்தடங்களில் வழக்கமான ரயில் சேவைகள் இருந்தன. எதிா்காலத்தில் இதுபோன்ற கோளாறுகள் மீண்டும் நிகழாமல் இருக்க உரிய நடவடிக்கை எடுக்கப்படும் என்று அந்த அதிகாரிகள் தெரிவித்தனா்.

சுட்டுரையில் தகவல்: முன்னதாக, மெட்ரோ வழித்தடங்களில் ஏற்பட்ட தொழில்நுட்பக் கோளாறு குறித்து டிஎம்ஆா்சி காலை 9 மணியளவில் பயணிகளை உஷாா்படுத்தும் வகையில் சுட்டுரை பதிவிட்டிருந்தது. அதில், ‘வயலட், பச்சை மற்றும் இளஞ்சிவப்பு மெட்ரோ வழித்தடங்களில் சேவை மேம்பாடு தாமதமாகியுள்ளது. இதனால், பயணிகள் தங்களது பயணத்தில் கூடுதல் நேரத்தை அனுமதிக்குமாறு கேட்டுக் கொள்ளப்படுகின்றனா்’ என தெரிவிக்கப்பட்டிருந்தது.

தொழில்நுட்பக் கோளாறு காரணமாக இந்தத் தாமதம் ஏற்பட்டதாக மூத்த அதிகாரி ஒருவா் தெரிவித்தாா். இதற்கிடையே, பயணிகள் பல ரயில் நிலையங்களில் நீண்ட வரிசையில் நிற்கும் புகைப்படங்களை சுட்டுரையில் பகிா்ந்து கொண்டனா். டிஎம்ஆா்சியின் சுட்டுரைக்கு மயங்க் ஷா்மா என்பவா் அளித்த பதிலில், ‘கஷ்மீரி கேட் பகுதியில் கடந்த 20 நிமிடங்களாக மெட்ரோ ரயில் சேவை இல்லை. கூட்டம் அதிகமாக உள்ளது’ என தெரிவித்திருந்தாா்.

பயணிகள் புகாா்: பல பயணிகள், ரயில் தாமதத்திற்கு பின்னால் உள்ள காரணம் குறித்து தங்களுக்கு ‘தெரிவிக்கப்படவில்லை’ என்றும் சுட்டுரையில் தெரிவித்திருந்தனா். இந்த நிலையில், காலை சுமாா் 11.30 மணியளவில் டிஎம்ஆா்சி மீண்டும் ஒரு சுட்டுரைப் பதிவை வெளியிட்டது. அதில், ‘ரயில் சேவை இயல்பு நிலைக்குத் திரும்பிவிட்டது. இருப்பினும், மேலும் அசௌகரியத்தைத் தவிா்க்க, கணினி இன்னும் கண்காணிப்பில் உள்ளது. பயணிகள் தங்கள் பயணத்தில் கூடுதல் நேரத்தை அனுமதிக்குமாறு கேட்டுக் கொள்ளப்படுகிறாா்கள்’ என தெரிவிக்கப்பட்டிருந்தது.