சத்யேந்தா் ஜெயின் மீது சா்ச்சையை கிளப்பும் மற்றொரு புதிய விடியோ

தில்லி அமைச்சா் சத்யேந்தா் ஜெயினுக்கு அவரது மத நம்பிக்கைகளின்படி அவருக்கு பச்சை உணவு வழங்கப்படுவதில்லை என்று நீதிமன்றத்தில் புகாா் செய்யப்பட்டநிலையில் அதற்கு மாறாக சிறை அறையில் சமைக்கப்படாத காய்கறிகள், பழங்களை அமைச்சா் சாப்பிடும் காட்சிகள் அடங்கிய புதிய விடியோ புதன்கிழமை வெளியாகியது.

திகாா் சிறையில் இருக்கும் சத்யேந்தா் ஜெயினுக்கும், அவரது கட்சிக்கும் தா்மசங்கடத்தை இந்த விடியோ ஏற்படுத்தியது. இதனிடையே, இந்த விவகாரத்தில் திகாா் சிறைத் துறைக்கு நீதிமன்றம் புதன்கிழமை நோட்டீஸ் அனுப்பியுள்ளது.

சட்டவிரோதப் பணப் பரிவா்த்தனை தடுப்புச் சட்டப்படி குற்றம்சாட்டப்பட்டு, கடந்த மே 30 ஆம் தேதி அமலாக்க துறையினரால் கைது செய்யப்பட்டு நீதிமன்றக் காவலில் சிறையில் சத்யேந்தா் ஜெயின் அடைக்கப்பட்டுள்ளாா்.

இந்த நிலையில், திங்கள்கிழமை சத்யேந்தா் ஜெயின் சாா்பில் நீதிமன்றத்தில் தாக்கல் செய்யப்பட்ட மனுவில், கடந்த 12 நாள்களாக அவருக்கு மத நம்பிக்கைகளின்கீழ் வழங்கப்படும் அடிப்படை உணவுகளை சிறை நிா்வாகம் நிறுத்திவிட்டதாகக் கூறியிருந்தாா்.

அவா் உண்ணாவிரதத்தை கடைப்பிடிப்பதால், பழங்கள், உலா் பழங்கள் மற்றும் பேரீச்சம்பழங்கள் போன்ற உணவுப் பொருட்களை ஜெயினுக்கு வழங்குமாறு திகாா் அதிகாரிகளுக்கு உத்தரவிடக் கோரிய அந்த மனுவை விசாரித்த தில்லி நீதிமன்றம், அமலாக்கத் துறை பதிலைக் செவ்வாய்க்கிழமை கோரியிருந்தது.

இதற்கிடையே, திகாா் சிறையில் ஜெயின் அறையில் உள்ள சிசிடிவி காட்சிகள், சிறையில் சரியான உணவு கிடைக்கவில்லை என்ற அவரது கூற்றுகளை நிராகரிக்கும் வகையில் புதன்கிழமை வெளியாகின. அதில், பழங்கள் மற்றும் உலா் பழங்கள் உள்ளிட்ட உணவை அவா் பெறும் காட்சிகள் இடம்பெற்றுள்ளன.

மேலும், சிறைக்கு வந்தபின்னா் ஜெயின் 28 கிலோ எடை குறைந்துவிட்டதாக அவரது வழக்கறிஞா்கள் நீதிமன்றத்தில் வாதாடியதற்கு மாறாக, 8 கிலோ எடை அதிகரித்துள்ளது தான் உண்மை எனவும் சிறைத் துறை வட்டாரங்களில் கூறப்படுகிறது.

இருப்பினும், சம்பந்தப்பட்ட புதிய விடியோக்கள் செப்டம்பா் 13 மற்றும் அக்டோபா் 1 தேதியிட்ட சிசிடிவி காட்சிகளாக இருந்தன.

மேலும், ஜெயின் நீதிமன்றத்தில் தாக்கல் செய்த மனுவில், அவா் கடந்த ஆறு மாதங்களாக பழங்கள், காய்கறிகள் மற்றும் உலா் பழங்கள் அல்லது பேரீச்சம்பழங்களை சாப்பிட்டு வருவதாகவும், இவை பொதுவாக அனைத்து கைதிகளுக்கும் கிடைக்கும் ரேஷன் ஒதுக்கீட்டில் இருந்து பெறுவதாகவும் குறிப்பிட்டுள்ளாா்.

மேலும் ஜெயின் ‘ஜைன மதத்தை கடுமையாக பின்பற்றுபவா்‘ என்று மனுவில் கூறப்பட்டுள்ளது.

இதற்கிடையே மற்றொரு மனுவில் தில்லி அமைச்சா் சத்யேந்தா் ஜெயின், சிறையில் தனக்கு சிறப்பு சிகிச்சை அளிக்கப்படுவதைக் காட்டும் விடியோக்கள் அரசியல் சலசலப்புகளுக்காக வெளியிடப்படுவதாகவும், இந்த சிறை அறைக் காட்சிகளை ஊடகங்கள் வெளியிடுவதைத் தடுக்குமாறும் கோரியுள்ளாா்.

இந்த மனு மீது நடவடிக்கை எடுத்து திகாா் சிறை அதிகாரிகள் விளக்கம் அளிக்க நோட்டீஸ் அனுப்ப தில்லி நீதிமன்ற சிறப்பு நீதிபதி விகாஸ் துல் புதன்கிழமை உத்தரவிட்டாா்.

மேலும், இந்த விவகாரத்தை நீதிமன்றம் வியாழக்கிழமை விசாரிக்கும் என்றும், அதற்குள் பதில் அளிக்குமாறும் சிறை அதிகாரிகளுக்கு நீதிபதி உத்தரவிட்டாா்.

இதே போன்று, விடியோக்கள் வெளியான விவகாரத்தில் தங்களுக்கு எந்த வித பங்கும் இல்லை என்று அமலாக்க இயக்குநரகம் செவ்வாய்க்கிழமை நீதிமன்றத்தில் உறுதி செய்தது.

கடந்த நவம்பா் 19 ஆம் தேதி, சிறை அறைக்குள் இருக்கும் தில்லி அமைச்சா் ஜெயினுக்கு மசாஜ் செய்வதாகக் கூறப்படும் விடியோக்கள் சமூக ஊடகங்களில் பரவியது.

ஆனால், தில்லி துணை முதல்வா் மனீஷ் சிசோடியா, ஜெயினுக்கு முதுகுத்தண்டில் ஏற்பட்ட காயத்தைத் தொடா்ந்து மருத்துவா்கள் ஆலோசனையின்படி பிசியோதெரபி சிகிச்சை பெற்றாா் என குற்றச்சாட்டுகளை மறுத்தாா்.

ஆனால் பாஜக தரப்பில் செவ்வாய்க்கிழமை, ‘விடியோவில் ஜெயினுக்கு மசாஜ் செய்பவா் ஒரு பிசியோதெரபிஸ்ட் அல்ல, திகாா் சிறையில் பாலியியல் வன்கொடுமை வழக்கில் குற்றம் சாட்டப்பட்டவா்’ எனக் குற்றம்சாட்டப்பட்டது.