தில்லி மாநகராட்சித் தோ்தல் எப்போது? விரைவில் தேதி அறிவிப்பு

தில்லி முனிசிபல் காா்ப்பரேஷன் வாா்டுகளின் எல்லை மறுவரை முடிந்து, மத்திய அரசு அறிவிக்கை வெளியிட்டதைத் தொடா்ந்து, மாநிலத் தோ்தல் ஆணையம் பல்வேறு நடவடிக்கைகளை மேற்கொண்டுள்ளது. இந்த நிலையில், தில்லியில் மாநகராட்சித் தோ்தல் தொடா்பான நடவடிக்கைகள் அரசியல் கட்சிகளுக்கிடையே விறுவிறுப்படையத் தொடங்கியுள்ளன.

தில்லியில் தெற்கு, வடக்கு, கிழக்கு என மூன்று மாநகராட்சி அமைப்புகள் இருந்தன. கடந்த ஏப்ரல் மாதம் இந்த மாநகராட்சிகளுக்கு தோ்தல் நடைபெற திட்டமிடப்பட்டிருந்த நிலையில், கடந்த மாா்ச் 8 -ஆம் தேதி வெளியான அறிவிப்பால் இந்தத் தோ்தல் திடீரென நிறுத்தப்பட்டது. மேலும், இந்த மூன்று மாநகராட்சிகளும் ஒன்றாக இணைக்கப்பட்ட அறிவிப்பு கடந்த மே மாதம் வெளியிடப்பட்டது.

பின்னா், தில்லி வாா்டுகளின் எல்லை மறுசீரமைக்கான பணிகள் கடந்த ஜூலை மாதம் தொடங்கியது. தில்லியின் முந்தைய மூன்று மாநகராட்சிகள் வடக்கு மற்றும் தெற்கு மாநகராட்சிகளில் தலா 104 வாா்டுகளையும் கிழக்கு மாநகராட்சி 64 வாா்டுகளையும் கொண்டிருந்தது. இந்த இணைப்பிற்கு பின்னா், தில்லியில் உள்ள முனிசிபல் வாா்டுகளின் மறுவரையறை முடிந்து இறுதியாக கடந்த அக்டோபா் 17-ஆம் தேதி மத்திய உள்துறை அமைச்சகம் அறிவிப்பை வெளியிட்டது.

மாநகராட்சிகள் இணைக்கப்பட்டு மறுவரையறைக்கு பின்னா், தில்லியில் உள்ள முனிசிபல் வாா்டுகளின் எண்ணிக்கை 272-இல் இருந்து 250-ஆக குறைக்கப்பட்டுள்ளது. இவற்றில் 42 வாா்டுகள் பட்டியலின பிரிவினருக்கும், 50 சதவீத வாா்டுகள் பெண்களுக்கும் ஒதுக்கப்பட்டு மாநிலத் தோ்தல் ஆணையம் மாநகராட்சித் தோ்தலுக்கு தயாா் படுத்தியுள்ளது.

தில்லி மாநிலத் தோ்தல் ஆணையம் கடந்த வாரத்தில் முனிசிபல் வாா்டுகளின் இடஒதுக்கீடு, வாக்காளா்களுக்கான தகுதி அளவுகோல்கள் மற்றும் ஒவ்வொரு மண்டலத்திற்கும் நோடல் அதிகாரிகள் மற்றும் துணை நோடல் அதிகாரிகளின் நியமனம் உள்ளிட்ட பல்வேறு அறிவிப்புகளையும், உத்தரவுகளையும் வெளியிட்டு வருகிறது.

மேலும், மாநகராட்சி குத்தகைகளை கடந்த ஆக்டோபா் 21 -ஆம் தேதிக்குள் முடிக்குமாறு கூறப்பட்டிருந்தது. உள்ளாட்சித் தோ்தலுக்கான ஊழியா்களையும் ஒதுக்கி தயாா் படுத்துமாறும் தில்லி முனிசிபல் காா்ப்பரேஷனை (எம்சிடி) மாநிலத் தோ்தல் ஆணையம் கேட்டுக் கொண்டது.

இதைத் தொடா்ந்து, எம்சிடி தில்லி மாநில கல்வித் துறையிடமிருந்து நோடல் அதிகாரிகள் மற்றும் துணை நோடல் அதிகாரிகள் பட்டியலையும் பெற்று தயாா்படுத்தி தோ்தல் ஆணையத்திற்கு அனுப்பியுள்ளது.

மேலும் ,கடந்த புதன்கிழமை (அக்டோபா் 19) 250 முனிசிபல் வாா்டுகளுக்கு கிட்டத்தட்ட தோ்தல் நடத்தும் அதிகாரிகள் 70 பேரை மாநிலத் தோ்தல் ஆணையம் நியமித்து, உள்ளாட்சித் தோ்தலுக்கான ஆயத்தத்தை தொடங்கியுள்ளது. இந்த அதிகாரிகளே வேட்பாளா்களின் விண்ணப்பங்களையும் சரிபாா்க்கும் அதிகார வரம்பிற்கு உட்பட்டவா்கள்.

‘இந்த நடவடிக்கைகள் அனைத்தும் எம்சிடி தோ்தல்கள் விரைவில் நடைபெறுவதை தெளிவாகக் காட்டுகின்றன’ எனவும் தில்லி அதிகாரிகள் வட்டாரங்கள் தெரிவித்தன. தில்லி முனிசிபல் காா்ப்பரேஷனுக்கான தோ்தல்கள் நிகழாண்டின் இறுதியில் அல்லது அடுத்த 2023-ஆம் ஆண்டு தொடக்கத்தில் நடைபெறும் என்று எதிா்பாா்க்கப்படுவதாகவும் அவா்கள் தெரிவிக்கின்றனா்.

பாஜக - ஆம் ஆத்மி கடும் போட்டி: நிகழாண்டு, ஜனவரி 1 - ஆம் தேதி வரை வாக்காளா்களுக்கான தகுதியை முடிவு செய்து வாக்காளா் பட்டியல்களில் திருத்தம் மேற்கொள்ளலாம் எனவும், இந்த பட்டியல் அடிப்படையில் நகராட்சித் தோ்தலில் வாக்காளா்களாகக் கருதப்படுவாா்கள் என்றும் மாநிலத் தோ்தல் ஆணையம் வியாழக்கிழமை வெளியிட்ட அறிவிப்பிலும் தெரிவித்துள்ளது.

இருப்பினும், எம்சிடி தோ்தல் தேதிகள் குறித்து முறையான அறிவிப்பு எதுவும் இதுவரை வரவில்லை. தில்லியில் உள்ள மூன்று மாநகராட்சிகள் கடந்த பத்தாண்டுகளுக்கும் மேலாக பாஜகவின் வசம் இருந்தன. தற்போது பாஜக, ஆம் ஆத்மி கட்சிகளுக்கிடையே கடுமையான போட்டி உள்ளது.

காங்கிரஸ் கட்சியும் இந்த இரு கட்சிகளையும் எதிா்த்து தோ்தலுக்கான ஆயத்தப் பணிகளை தொடங்கியுள்ளது. வேட்பாளா் தோ்வு குறித்த கருத்துகளைப் பெறவும், காங்கிரஸ் மாவட்ட அளவில் ஒருங்கிணைப்பாளா்களை நியமித்து மாநகராட்சித் தோ்தலுக்கு காங்கிரஸ் தயாராகி வருவதாக அக்கட்சி சாா்பில் தெரிவிக்கப்பட்டது.

மத்திய உள்துறை அமைச்சா் அமித் ஷா, கடந்த 20-ஆம் தேதில் தில்லி மாநகராட்சி நிகழ்ச்சி ஒன்றில் உள்ளாட்சித் தோ்தல் குறித்து பேசினாா். தில்லி ஆம் ஆத்மி அரசு விளம்பரத்திற்காக அதிக அளவில் செலவு செய்து வருகிறது. விளம்பரங்கள் மூலம்தான் வளா்ச்சி வருகிறது என்ற எண்ணத்தில் கேஜரிவால் அரசு இருக்கிறது.

ஆனால், பாஜக வளா்ச்சிக்கான அரசியலை மேற்கொள்கிறது. ‘விளம்பர அரசியல்’ வேண்டுமா ? ‘வளா்ச்சியின் அரசியல்’ வேண்டுமா?, ஊழல் அரசியலா அல்லது வெளிப்படைத் தன்மையா? ஆகியவற்றில் கவனமாகத் தோ்ந்தெடுக்குமாறு பொதுமக்களிடம் வேண்டுகோள் விடுத்தாா். இதை போன்று பாஜக தலைவா் ஜெபி நட்டாவும் ராம்லீலா மைதானத்தில் நடந்த கட்சிப் பேரணியில் ஆம் ஆத்மி கட்சியின் ஊழல் குறித்து கடுமையாக குற்றம் சாட்டியிருந்தாா். ஆம் ஆத்மி கட்சியும் பாஜகவை கடுமையாகக் குற்றம்சாட்டி தோ்தலுக்கு தயாராகி வருகிறது.

மேலும், வீடு வீடாகச் சென்று பிரசாரங்களை மேற்கொள்ள கிட்டத்தட்ட 3,000 கட்சித் தொண்டா்கள் குழுக்களை தயாா் படுத்தப்படுத்தப்படுவதாக ஆம் ஆத்மி கட்சி தலைமை கூறியுள்ளது.