தில்லி கலால் கொள்கை ஊழல்: பணமோசடி வழக்கில் விஜய் நாயரின் ஜாமீன் மனு மீதுஅமலாக்கத் துறை பதிலளிக்க உத்தரவு

கலால் கொள்கை ஊழல் தொடா்பான பணமோசடி வழக்கில் சட்டபூா்வ ஜாமீன் வழங்கக் கோரி தொழிலதிபரும், ஆம் ஆத்மி கட்சியின் தகவல் தொடா்பு பொறுப்பாளருமான விஜய் நாயா் தாக்கல் செய்த மனு மீது அமலாக்கத் துறையின் நிலைப்பாட்டை தெரிவிக்க தில்லி உயா்நீதிமன்றம் வியாழக்கிழமை உத்தரவிட்டது. இந்த ஜாமீன் மனுவை விசாரித்த நீதிபதி தினேஷ் குமாா் சா்மா, அமலாக்கத் துறை பதில் அளிக்க நோட்டீஸ் அனுப்பியதுடன், விசாரணை நிறுவனம் பதில் அளிக்க அவகாசமும் அளித்தாா்.

கடந்த 2022, நவம்பா் 13-ஆம் தேதி கைது செய்யப்பட்ட விஜய் நாயருக்கு, நிகழாண்டு ஜூலை 29-ஆம் தேதி விசாரணை நீதிமன்றம் இந்த வழக்கில் ஜாமீன் வழங்க மறுத்து உத்தரவிட்டது. குற்றம்சாட்டப்பட்டவரின் ஜாமீன் சட்டபூா்வ ஜாமீன் காரணத்தை பரிசீலிக்க தாம் தகுதியான அல்லது பொருத்தமான மன்றம் அல்ல என்றும், இந்த விஷயத்தை பரிசீலிக்க வேண்டும் என்ற கோரிக்கையுடன் முந்தைய அதே நீதிபதி அல்லது உயா்நீதிமன்ற அமா்வை அணுகுவதே சரியான வழி என்றும் கூறி விஜய் நாயரின் ஜாமீன் மனுவை விசாரணை நீதிமன்றம் தள்ளுபடி செய்தது.

இந்த நிலையில், தற்போதைய விவகாரத்தில் உயா்நீதிமன்றத்தில் விஜய் நாயா் சாா்பில் ஆஜரான மூத்த வழக்குரைஞா் ரெபேக்கா ஜான், ‘அமலாக்கத் துறை இந்த விவகாரத்தில் பகுதி பகுதியாக குற்றப்பத்திரிகையை தாக்கல் செய்துள்ளது. இதனால், குற்றம் சாட்டப்பட்டவருக்கு சட்டபூா்வ ஜாமீன் பெற உரிமை உள்ளது’ என்று வாதிட்டாா். இந்த ஜாமீன் மனுவுக்கு அமலாக்கத் துறை தரப்பு வழக்க்குரைஞா் எதிா்ப்புத் தெரிவித்தாா். அவா் கூறுகையில், ‘சட்டபூா்வ ஜாமீன் பிரச்னை ஏற்கெனவே குற்றம்சாட்டப்பட்டவா்களால் முந்தைய ஜாமீன் மனு விசாரணையின் போது தோல்வியுற்றது’ என்றாா்.

அதற்கு விஜய் நாயா் தரப்பு வழக்குரைஞா் ஜான், ‘ஜாமீன் என்பது தனிப்பட்ட சுதந்திரத்தைப் பாதிக்கும் ஒரு உரிமையாகும். முந்தைய சந்தா்ப்பத்தில், சட்டபூா்வ ஜாமீன் பற்றிய குறிப்பு ’விவரத்தின்’ ஒரு பகுதி மட்டுமே இருந்தது. ஜாமீனுக்கான அடிப்படையாக ஒருபோதும் அழுத்தம் கொடுக்கப்படவில்லை’ என்று வாதிட்டாா்.

முன்னதாக, விசாரணை நீதிமன்றத்தின் முன், விஜய் நாயரின் வழக்குரைஞா் வாதிடுகையில், ‘அமலாக்கத்துறை தாக்கல் செய்த துணை வழக்குப் புகாா் (குற்றப்பத்திரிகை) கைது செய்யப்பட்ட 60 நாள்களுக்குள் சட்டபூா்வ காலத்திற்குள் இருந்தது. ஆனால், விசாரணையை உண்மையாக முடிக்காமல் இருந்தது. எனவே, துணை வழக்குப் புகாரை ஒரு பகுதி பகுதியாக மற்றும் முழுமையற்ற குற்றப்பத்திரிகை என்று மட்டுமே கூற முடியும். இது ஒரு குற்றம்சாட்டப்பட்டவரின் சட்டபூா்வ ஜாமீனில் வெளிவருவதற்கான உரிமையை தடுக்கவே அமலாக்கத் துறையால் தாக்கல் செய்யப்பட்டுள்ளது’ என்றாா்.

தில்லி முன்னாள் முதல்வா் மனீஷ் சிசோடியா உள்ளிட்டோா் தொடா்புடைய பணமோசடி வழக்கில் விஜய் நாயா் மற்றும் பிற இணை குற்றம்சாட்டப்பட்டவா்களுக்கு ஜாமீன் வழங்க உயா்நீதிமன்றம் ஜூலை 3-ஆம் தேதி மறுத்துவிட்டது. 2021-ஆம் ஆண்டில் உருவாக்கப்பட்ட புதிய கலால் கொள்கை உருவாக்கத்தில் நிகழ்ந்ததாகக் கூறப்படும் முறைகேடுகள் தொடா்பாக தில்லி துணைநிலை ஆளுநா் வி. கே. சக்சேனா, சிபிஐ விசாரணைக்கு பரிந்துரைத்தாா். இதையடுத்து, மத்திய புலனாய்வுத் துறையால் பதிவு செய்யப்பட்ட எஃப்ஐஆரில் இருந்து பணமோசடி வழக்கை அமலாக்கத் துறை பதிவு செய்தது.