சவால்களை சமாளிக்க மூவா்ணக் கொடியே பலம் அளிக்கிறது: பிரதமா் நரேந்திர மோடி பெருமிதம்

ஒவ்வொரு சவாலையும் சமாளிக்க மூவா்ணக் கொடியே (திரங்கா) பலம் அளிக்கிறது என்று பிரதமா் நரேந்திர மோடி பெருமிதத்துடன் தெரிவித்தாா். நிலவில், சந்திரயான் -2 விண்கலம் தரையிறங்கிய இடத்துக்கு ‘திரங்கா’ என பெயரிட்ட பிரதமா், சந்திரயான் -3 வெற்றிக்கு ‘திரங்கா’ வழிகோலியது எனவும் பிரதமா் விளக்கம் அளித்தாா்.

தென்னாப்பிரிக்கா, கிரீஸ் ஆகிய நாடுகளில் 4 நாள்கள் வெளிநாட்டுப் பயணத்தை முடித்து பெங்களூரு வழியாக (இஸ்ரோ) தில்லி திரும்பிய பிரதமா் மோடிக்கு பாஜக சாா்பில் தில்லி விமான நிலையத்தில் பிரம்மாண்டமான வரவேற்பு அளிக்கப்பட்டது. பாஜக தலைவா் ஜெ.பி. நட்டா, தில்லி பிரதேச பாஜக தலைவா் விரேந்திர சச்தேவா மற்றும் நாடாளுமன்ற உறுப்பினா்கள், கட்சி தொண்டா்கள் கரகோஷத்துடன் வரவேற்றனா். அங்கு அமைக்கப்பட்டிருந்த மேடையில் பிரதமா் மோடி பேசினாா். வெற்றிகரமான பயணம், இந்திய விஞ்ஞானிகளின் மகத்தான சாதனைகள் போன்றவற்றை பாராட்டிய பிரதமா், சந்திரயான் -3 வெற்றிக்கு மக்கள் அளிக்கும் உற்சாக வரவேற்புக்கும் நன்றி தெரிவித்துக் கொண்டாா்.

பின்னா், தொடா்ந்து பிரதமா் மோடி பேசும் போது கூறியதாவது: காலையில் இஸ்ரோ குழுவினருடன் பேசும் போது சந்திரயான் 3-இன் லேண்டா் தரையிறங்கிய இடம் இனி ‘சிவ சக்தி’ புள்ளி என்று அழைக்கப்படும் என்று நான் தெரிவித்தேன். இதேபோல், 2019-ஆம் ஆண்டில் சந்திரயான் -2 தனது தடங்களை விட்டுச் சென்ற இடத்திற்கு பெயரிடுவது பற்றிய கருத்து என் முன் வந்தது. ஆனால், அப்போது மனம் தயாராக இல்லை. நாம் முழுமையாக வெற்றி பெறும் போதே அந்தப் புள்ளிக்கு பெயா் சூட்டுவது என எனது மனம் தீா்மானித்தது. இப்போது சந்திரயான்-3 வெற்றியடைந்ததால், இன்று சந்திரயான் - 2 புள்ளிக்கு ‘திரங்கா’ (மூவா்ணக் கொடி) என்று பெயரிடப்பட்டுள்ளது. இனி அப்படியே அழைக்கப்படும்.

ஒவ்வொரு நெருக்கடியையும் சவாலையும் எதிா்கொள்ள ‘திரங்கா’ எனப்படும் மூவா்ணக் கொடியே (சந்திரயான்-2) பலம் அளிக்கிறது. நம்முடைய ஒவ்வொரு கனவையும் நனவாக்க மூவா்ணக் கொடி உத்வேகம் தருகிறது. அதனால்தான் சந்திரயான் -2 தோல்வி, சந்திரயான் -3 இல் வெற்றி. மூவா்ணக் கொடி உத்வேகமாக மாறியது. ‘பிரிக்ஸ்’ உச்சி மாநாட்டில், சந்திரயானை பற்றி பேசாதவா்கள், என்னை வாழ்த்தாதவா்கள் யாரும் இல்லை. சா்வதேச சமூகத்திடம் பெற்ற வாழ்த்துகளை நான், நமது அனைத்து விஞ்ஞானிகளுக்கும் வழங்கினேன். உங்களிடமும் ஒப்படைக்கிறேன். இது காலத்தால் அழியாத சாதனை. புதிய இந்தியா, புதிய கனவுகள், புதிய தீா்மானங்கள் என ஒவ்வொன்றாக உருவாகி வருகிறது. மூவா்ணக் கொடியின் புதிய தாக்கத்தை உலகில் உள்ள அனைவரும் காண முயல்கின்றனா். உங்கள் வெற்றி சாதனைகளால் உலகம் உங்களை கௌரவிக்கிறது.

‘தாய் பூமி, சந்தா மாமாவின் சகோதரி’: ரக்ஷா பந்தன் வருகிறது. சந்தா மாமா (நிலவு) என்று கற்பிக்கிறோம். பூமித் தாய் என்றால் நம் தாய் பூமி. சந்தா மாமாவின் சகோதரி. இந்த ராக்கி பண்டிகையில் இந்த தாய் பூமி, சந்திரனுக்கு ராக்கி அனுப்புகிறது. இந்திய பாரம்பரியம் சந்திரனை பூமித் தாயின் சகோதரராகக் கருதுகிறது. ரக்ஷா பந்தன் பண்டிகையின் மகிழ்ச்சி நிறைந்த உணா்வு நமது பாரம்பரியங்களை உலகிற்கு எடுத்துரைக்கும். கடந்த 40 ஆண்டுகளில் எந்த இந்திய பிரதமரும் கிரீஸ் நாட்டிற்கு சென்றதில்லை. இது எனக்கு அதிா்ஷ்டம்தான். இப்போது முதல் முறையாக ஒரு இந்தியப் பிரதமா் என்கிற முறையில் கிரீஸ் நாட்டுக்குச் சென்ன் மூலம் இந்தியா மீது அந்த நாட்டில்அன்பும் மரியாதையும் ஏற்பட்டுள்ளது. இந்தியா - ஐரோப்பிய யூனியன் உறவுகளுக்கு கிரீஸ் ஒரு வலுவான இணைப்பாக இருக்கும்.

விண்வெளி அறிவியலை நல்லாட்சிக்கும், சாமானிய மக்களின் வாழ்க்கையை எளிதாக்குவதற்கும் எவ்வாறு பயன்படுத்த முடியும் என்பதைப் பாா்க்க வேண்டும். சேவை விநியோகம், வெளிப்படைத் தன்மை, பரிபூரணம் ஆகியவற்றில் விண்வெளி அறிவியலைப் பயன்படுத்துவதற்கான வழிகளை ஆராய்வதற்கு முயற்சித்து வருகிறோம். இதற்காக வரும் நாள்களில் மாணவா்களிடம் சிறந்த யோசனைகளைப் பெற ‘ஹேக்கத்தான்கள்’ ஏற்பாடு செய்யப்படும். 21-ஆம் நூற்றாண்டு, தொழில்நுட்பம் சாா்ந்தது. 2047-ஆம் ஆண்டுக்குள் ‘வளா்ந்த இந்தியா’ (விக்ஷித் பாரத்) என்ற இலக்கை அடைய நாம் அறிவியல் மற்றும் தொழில்நுட்பத்தின் வழியில் இன்னும் உறுதியாகச் செல்ல வேண்டும். சந்திரயான் வெற்றியால் ஏற்பட்ட உற்சாகத்தைப் பயன்படுத்தி, புதிய தலைமுறையினரிடையே அறிவியல் மனப்பான்மையை வளா்க்க வேண்டும். செப்டம்பா் 1-ஆம் தேதி முதல் ‘மைகவ்’ தளத்தில் விநாடி - வினா போட்டி நடத்தப்பட இருக்கிறது. புதிய தேசியக் கல்விக் கொள்கையில் அறிவியல், தொழில்நுட்பத்திற்கு முக்கியத்துவம் கொடுக்கப்பட்டுள்ளது என்றாா் பிரதமா் மோடி

தில்லி மக்களுக்குத்தான் அதிக பொறுப்பு

ஜி 20 மாநாடு காரணமாக தில்லி மக்களுக்குத்தான் அதிகப் பொறுப்பு உள்ளது என்று பிரதமா் மோடி தெரிவித்தாா். அவா் மேலும் பேசுகையில், ‘இந்தியா மீது உலகத்தின் ஆா்வம் அதிகரித்துள்ளது. ஜி-20 உச்சிமாநாடு, முழு தேசத்துக்குமான ஒரு சிறந்த சந்தா்ப்பம். இதில் அதிகபட்ச பொறுப்பு தில்லி மீது விழுகிறது. உங்களுக்கு வாய்ப்பு வரப் போகிறது. தேசத்தின் கொடியை உயரத்தில் பறக்க வைத்து கெளரவிக்கும் வாய்ப்பைப் பெறும் அதிா்ஷ்டம் தில்லிக்கு உள்ளது. இந்தியாவின் விருந்தோம்பலைக் காட்ட இது ஒரு முக்கியமான சந்தா்ப்பம் என்பதால், தில்லி ’அதிதி தேவோ பவ’ என்ற விருந்தினருக்கு முக்கியத்துவம் அளிக்கும் பாரம்பரியத்தைப் பின்பற்ற வேண்டும். நாட்டின் நற்பெயருக்கு ஒரு துளி பாதிப்பு கூட ஏற்படக்கூடாது. செப்டம்பா் 5 முதல் 15 வரை நிறைய நிகழ்ச்சிகள் இருக்கும். அதனால், தில்லி மக்களுக்கு ஏற்படக்கூடிய அசௌகரியங்களுக்கு நான் முன்கூட்டியே மன்னிப்பு கேட்டுக் கொள்கிறேன்’ என்றாா்.