பகலில் வெயிலுடன் புழுக்கம்; மாலையில் லேசான காற்று

தேசியத் தலைநகா் தில்லியில் செவ்வாய்க்கிழமை பகலில் வெயிலுடன் புழுக்கமான சூழல் நிலவியது. மாலையில், லேசான காற்று வீசியது.

அதிகபட்ச வெப்பநிலை இயல்பைவிட 1 டிகிரி அதிகரித்து 36 டிகிரி செல்சியஸாகப் பதிவாகி இருந்தது. நகரத்தின் பெரும்பாலான இடங்களில் காற்றின் தரக் குறியீடு ‘திருப்தி’ பிரிவில் நீடித்தது.

தில்லியில் சில தினங்களாக வெயிலின் தாக்கம் இருந்து வருகிறது. பகலில் மேகமூட்ட சூழலும் இருந்து வருகிறது. இதனால், புழுக்கமும் அதிகரித்துள்ளது. செவ்வாய்க்கிழமையும் இதே நிலை தொடா்ந்தது. எனினும், முந்தைய தினங்களைவிட அதிகபட்ச வெப்பநிலையில் மிதமான தாக்கம் இருந்தது. மாலையில் லேசான காற்று வீசியது.

வெப்பநிலை: தில்லியின் முதன்மை வானிலை நிலையமான சஃப்தா்ஜங் ஆய்வகத்தில் செவ்வாய்க்கிழமை குறைந்தபட்ச வெப்பநிலை இயல்பு நிலையை விட 1 டிகிரி அதிகரித்து 28.3 டிகிரி செல்சியஸாக பதிவாகி இருந்தது. அதிகபட்ச வெப்பநிலை இயல்பு நிலையில் இருந்து 1 டிகிரி அதிகரித்து 36 டிகிரி செல்சியஸாக பதிவாகி இருந்தது. காற்றில் ஈரப்பதத்தின் அளவு காலை 8.30 மணி அளவில் 83 சதவீதமாகவும், மாலை 5.30 மணியளவில் 71 சதவீதமாகவும் பதிவாகி இருந்தது. இதற்கிடையே, செவ்வாய்க்கிழமை காலை 8.30 மணியுடன் முடிவடைந்த கடந்த 24 மணி நேரத்தில் சஃப்தா்ஜங் வானிலை ஆய்வு மையத்தில் மழை ஏதும் பதிவாகவில்லை.

‘திருப்தி’ பிரிவில் காற்றின் தரம்: தலைநகரில் ஐடிஓ, மதுரா சாலை, ஷாதிப்பூா் உள்பட பெரும்பாலான இடங்களில் காற்றின் தரக் குறியீடு ‘திருப்தி’ பிரிவில் இருந்தது. தில்லியில் மாலை 8.43 மணியளவில் ஒட்டுமொத்தக் காற்றின் தரக் குறியீடு 97 புள்ளிகளாக (திருப்தி) பதிவாகி இருந்ததாக மத்திய மாசுக் கட்டுப்பாட்டு வாரியத்தின் புள்ளிவிவரத் தகவல்களின் மூலம் தெரியவந்துள்ளது.

லேசான மழைக்கு வாய்ப்பு: இதற்கிடையே, ‘புதன்கிழமை (ஜூலை 26) வானம் பொதுவாக மேகமூட்டத்துடன் இருக்கும். குறைந்தபட்ச வெப்பநிலை 26 டிகிரி செல்சிஸாகவும், அதிகபட்ச வெப்பநிலை 34 டிகிரி செல்சியஸாகவும் இருக்கும். மிதமான மழைக்கு வாய்ப்பு உள்ளது’ என்று வானிலை ஆய்வு மையம் கணித்துள்ளது.