ஆம் ஆத்மி கட்சி தில்லி பிரிவுக்குபுதிய நிா்வாகிகள் நியமனம்

ஆம் ஆத்மி கட்சியின் தில்லி பிரிவுக்கு புதிய மாநில இணைச் செயலாளா், மாவட்டத் துணைத் தலைவா்கள் மற்றும் சட்டப்பேரவைத் தொகுதி பொறுப்பாளா்களின் பட்டியலை கட்சியின் தில்லி ஒருகிணைப்பாளா் கோபால் ராய் செவ்வாய்க்கிழமை வெளியிட்டுள்ளாா்.

ஆம் ஆத்மி கட்சியின் தேசிய அமைப்புப் பொதுச் செயலாளா் சந்தீப் பதக்கின் ஒப்புதலுடன் கட்சியின் தில்லி ஒருங்கிணைப்பாளா் கோபால் ராய் வெளியிட்டுள்ள அறிவிப்பில் கூறப்பட்டுள்ளதாவது: ஆம் ஆத்மி கட்சியின் மாநில இணைச் செயலாளராக அனில் படோடியா நியமிக்கப்பட்டுள்ளாா். கட்சியின் மாவட்டத் துணைத் தலைவா்களாக ஆரிஃப் (பாபா்பூா்), விக்கி ஹாரி (சங்கம் விஹாா்), சஞ்சய் மாவி (காரவால் நகா்), நரேஷ் பகத் (கால்காஜி) நிமயமிக்கப்படுகின்றனா். மேலும், சட்டப்பேரவைத் தொகுதி பொறுப்பாளா்களாக அனுஜ் ராஜ்பத் (படேல் நகா்), விபின் குப்தா (ஆதா்ஷ் நகா்), சபீக் (பதா்பூா்), அனில் கட்டாரியா (கால்காஜி) ஆகியோா் அறிவிக்கப்பட்டுள்ளனா்.

ஆம் ஆத்மி கட்சி தில்லி பிரிவில் மருத்துவ அணிக்கு மாநிலத் துணைத் தலைவா்களாக ரஜ்னிஷ் குமாா், கஃபில் ஆகிய இருவரும் நியமிக்கப்பட்டுள்ளனா். இளைஞா் அணிக்கு மாநிலத் துணைத் தலைவா்களாக தெளலத் பவாா்,ஜாவத் கான், சதாம் ஹுசைன், கபில் ஆகியோருக்கு புதிதாக பொறுப்பு வழங்கப்பட்டுள்ளது. சமீபத்தில் தில்லி மாநகராட்சிக்கு உள்பட்ட அனைத்து வாா்டுகளுக்கும் ஆம் ஆத்மி கட்சி பொறுப்பாளா்களின் பட்டியலை நான்கு கட்டங்களாக அறிவித்தது. வரவிருக்கும் மக்களவைத் தோ்தலை கருத்தில் கொண்டு கட்சியின் அமைப்பு ரீதியிலான அனைத்து அணிகளுக்கும் புதிய நிா்வாகிகளை ஆம் ஆத்மி கட்சி நியமித்து வருவது குறிப்பிடத்தக்கது.