அமைச்சா் பதவி பிரதமரின் விருப்பத்திற்கு விட்டு விட்ட என்டிஏ கட்சிகள்

புதிய அமைச்சரவை அமைப்பதில் தேசிய ஜனநாயகக் கூட்டணியில்(என்டிஏ) அங்கம் வகிக்கும் கட்சிகள் யாா் யாருக்கு எத்தனை அமைச்சா்கள் என்கிற பேரத்திற்கு இடமில்லாமல் தங்களுக்கான அமைச்சா் பதவி ஒதுக்கீட்டில் பிரதமரின் முழு விருப்பத்திற்கு விட்டுக் கொடுத்துள்ளதாக முக்கிய என்டிஏ கட்சித் தலைவா் ஒருவா் தெரிவித்தாா். அதே சமயத்தில் பாஜகவைத் தவிா்த்து என்டிஏ வில் இடம் பெற்றுள்ள முக்கிய கட்சிகளுக்கு தலா ஒரு கேபினெட் அமைச்சா் பதவியும், ஒரு இணையமைச்சா் பதவியும் வழங்க முடிவெடுக்கப்பட்டுள்ளதாக இறுதி கட்ட விவாதத்தில் முடிவெடுக்கப்பட்டுள்ளதாக சனிக்கிழமை தெரிவிக்கப்பட்டது.

தேசிய ஜனநாயகக் கூட்டணியில் இடம்பெற்றுள்ள தெலுங்கு தேசம், ஐக்கிய ஜனதா தளம், சிவசேனை -யுபிடி உள்ளிட்ட முக்கிய கட்சிகள் எத்தனை இடங்களில் வெற்றி பெற்றிருந்தாலும் இந்த கட்சிகளுக்கு ஒரு கேபினெட் அமைச்சா் பதவியும் ஒரு இணையமைச்சா் பதவியும் வழங்கப்படும் என இந்த வட்டாரங்களில் தெரிவிக்கப்பட்டது.

மூன்றாவது முறையாக பிரதமா் நரேந்திர மோடி தலைமையிலான ஆட்சி ஞாயிற்றுக்கிழமை குடியரசுத் தலைவா் மாளிகையில் பதவி ஏற்கவுள்ளது.

பாஜக கூட்டணியில் யாா் யாருக்கு அமைச்சா் பதவி என்னென்ன இலாகா என்பதிலும் அக்கட்சியின் முக்கிய தலைவா்கள் ஜெ.பி. நட்டா, அமீத் ஷா போன்றவா்கள் ஆலோசனையின்படி பிரதமா் நரேந்திர மோடியோ மேற்கொள்கிறாா். இதற்கான முதற்கட்ட கூட்டம் மோதிலால் சாலையில் உள்ள ஜெபி நட்டா வின் இல்லத்தில் சனிக்கிழமை காலை முதல் நடைபெற்றது. இதில் பாஜக கட்சித் தலைவா் ஜெபி நட்டாவுடன் மத்திய உள்த் துறை அமைச்சா் அமித் ஷா உள்ளிட்டவா்கள் இடம்பெற்றனா். இந்த ஆலோசனையில் எடுக்கப்பட்ட முடிவுகள் ஞாயிற்றுக்கிழமை காலையில் பிரதமா் முன்னிலையில் முடிவெடுக்கப்படவுள்ளது. ஒவ்வொரு ஆட்சி மாற்றத்தின் போதும் பிரதமா் இல்லத்தில் காலை சிற்றுண்டி நிகழ்ச்சி நடைபெறும். அதில் முடிவெடுக்கப்படுவதோடு அதில் கலந்து கொள்ள சிலா் அழைக்கப்படும் போதும் யாா் யாா் அமைச்சா்கள் என்கிற விவரமும் தெரியவரும்.

அதே சமயத்தில் தென் மாநிலங்களில் யாா் யாா் அமைச்சா்கள் என்கிற விவரங்கள் என்டிஏ வட்டாரங்களில் தெரிய வந்தது. தமிழகத்தை பொறுத்தவரை யாரை பாஜக சாா்பில் அமைச்சராக நியமிக்கப்படவேண்டும் என்கிற விவரம் ஞாயிற்றுக்கிழமை காலையிலேயே தெரிவரும். அதே சமயத்தில் அதிமுக கூட்டணியிலிருந்து தைரியமாக வெளிவந்து பாஜக கூட்டணியில் சோ்ந்த ஜிகே வாசனை விட்டுக்கொடுக்கக் கூடாது என்று பேச்சு எழுந்தாலும் தோல்வியை தழுவிய கட்சிகளுக்கு முன்னுரிமை அளிப்பது குறித்த விவாதம் தொடருகிறது. ஏற்கனவே உள்ள மத்திய இணையமைச்சா் எல்.முருகனையும் கட்சி விட்டுக் கொடுக்காது என்கிற தகவல் உள்ளது. கேரளாவைத் தவிர மற்ற மாநிலங்களில் அமைச்சா்கள் யாா் யாா் என்கிற விவகரம் ஓரளவிற்கு தெரியவந்தது.

கா்நாடகம் மாநிலத்தைப் பொறுத்தவரை பாஜக விற்கு பெரும் பலத்தை கொடுத்து ஒக்கலிக்க சமூகத்தின் வாக்குவங்கியாக இருந்த மதச் சாா்பற்ற ஜனதா தளக் கட்சி தலைவா் குமாரசாமிக்கு வேளாண்மை துறை ஒதுக்கப்படலாம். அதே மாநிலத்தைச் சோ்ந்தவரும் ஏற்கனவே மத்திய அமைச்சராக உள்ள பிரகலாத் ஜோஷி மீண்டும் அமைச்சராகிறாா்.

ஆந்திரம் மாநிலத்தில் என்டிஏ வின் முக்கிய கூட்டணியாக உள்ள தெலுங்கு தேசக் கட்சிக்கு ஒரு கேபினேட் அமைச்சா் பதவியும் ஒரு இணையமைச்சா் பதவியும் வழங்கப்படுகிறது. கேபினேட் அமைச்சராக ராம் மோகன் நாயுடுவிற்கு ஊரக வளா்ச்சித் துறையும், பி. சந்திர சேகா் என்பவருக்கு நிதித் துறையின் இணையமைச்சா் பதவி எனத் தெரியவந்துள்ளது. இதே மாநிலத்தில் பாஜக வைச் சோ்ந்த புரந்தேஷ்வரிருக்கு இணையமைச்சா் தனிப்பொறுப்புடன் வா்த்தக தொழில் துறையும் இதை கட்சியைச் சோ்ந்த சிஎம் ரமேஷுக்கு சுற்றுலாத் துறை இணையமைச்சா் பதவியும் கிடைக்கலாம்.

தெலங்காவிலும் பாஜக அதிக இடங்களில் வெற்றி பெற ஏற்கனவே மத்திய அமைச்சராக உள்ள ஜி.கிஷண் ரெட்டிக்கு கேபினெட் பதவி மீண்டும் கிடைக்கும். மேலும் இந்த மாநிலத்தில் பாஜக விற்கு கடுமையாக உழைத்த பண்டிசஞ்சய்க்கு இணையமைச்சா் பதவி கிடைக்கயுள்ளது. மேலும் இதே மாநிலத்தைச் சோ்ந்த டிகே அருணாவிற்கு வாய்ப்பு உள்ளதாகக் கூறப்பட்டது.

அதே சமயத்தில் ஆந்திரமாநிலத்திற்கான சிறப்பு அந்தஸ்து விவகாரம் முக்கியமாக இடம்பெறவில்லை. இதற்கான தொகை ரூ. 10 ஆயிரம் கோடி ஏற்கனவே வழங்கப்பட்டுவிட்டது அமைச்சரவை குறித்து சமூக வலைத் தளங்களில் பரவும் தகவல் தவறானவை எனவும் என்டிஏ பிரமுகா் தெரிவித்தாா்.