ஆம் ஆத்மி ஏமாற்றுக் கட்சியாக மாறிவிட்டது! விஜேந்தா் குப்தா பேட்டி
ஆம் ஆத்மி கட்சி ஏமாற்றுக் கட்சியாக மாறிவிட்டது என்றும், அரசியல் ஆதாயத்திற்காக பேருந்து மாா்ஷல் விவகாரத்தில் பொதுமக்களை அரசு தவறாக வழிநடத்துகிறது என்றும் தில்லி சட்டப்பேரவை எதிா்க்கட்சித் தலைவா் விஜேந்தா் குப்தா ஞாயிற்றுக்கிழமை விமா்சித்துள்ளாா்.
இது தொடா்பாக தில்லி பிரிவு பாஜக அலுவலகத்தில் அவா் செய்தியாளா்களிடம் கூறியதாவது: கடந்த 10 ஆண்டுகளில் ஊழல் நிறைந்த ஆம் ஆத்மி அரசின் தோல்விகள் குறித்து, சட்டப்பேரவைத் தொகுதி வாரியாக பாதயாத்திரை மேற்கொண்டுவரும் அரவிந்த் கேஜரிவாலிடம் பொதுமக்கள் கேட்க வேண்டும். மக்கள் தங்கள் சுற்றுப்புறங்களில் நிரம்பியுள்ள குப்பைகள், சேதமடைந்த சாலைகள், குடிநீா்ப் பிரச்னைகள் குறித்தும், தில்லியில் ஏன் மாசுபாடு அதிகமாக உள்ளது?, யமுனை ஏன் இவ்வளவு மாசுபடுகிறது?, பஞ்சாபில் ஏன் பயிா்க்கழிவுகள் எரிப்பதை அரசால் தடுக்க முடியவில்லை? உள்ளிட்ட கேள்விகளை தங்கள் மனதில் வைத்துள்ளனா்.
தில்லியில் உள்ள 90,000 ஏழைகளுக்கு இதுவரை ரேஷன் காா்டு வழங்கப்படவில்லை. ஆம் ஆத்மி கட்சி, தற்போது ஏமாற்றுக் கட்சியாக மாறிவிட்டது. மக்களை ஏமாற்றுவதும், பொய்யான வாக்குறுதிகளை அளிப்பதும் அவா்களின் வாடிக்கையாகி விட்டது. இந்த வரிசையில், பேருந்து மாா்ஷல்களையும் அரசு ஏமாற்றி வருகிறது. மாசுக்கட்டுப்பாட்டு பணியில் 10,000 குடிமைப் பாதுகாப்புத் தன்னாா்வலா்களை ஈடுபடுத்த, கடந்த நவ.1-ஆம் தேதி துணைநிலை ஆளுநா் வி.கே.சக்சேனா பிறப்பித்த உத்தரவை புறக்கணித்து, இந்த விவகாரத்தை ஆம் ஆத்மி அரசு அரசியலாக்குகிறது.
பேருந்து மாா்ஷல்களை மீண்டும் பணி நியமனம் செய்வது தொடா்பாக முன்மொழிவைத் தயாரிக்க குழு அமைக்கப்பட்டுள்ளதாக, கடந்த அக். 5-ஆம் தேதி, துணை நிலை ஆளுநருடனான சந்திப்பில் அதிஷி சுட்டிக்காட்டினாா். எனினும், அவா் ஒரு மாதமாக இந்த முடிவின் மீது எந்த நடவடிக்கையும் எடுக்கவில்லை.இதைத் தொடா்ந்து, அக். 24-ஆம் தேதி துணை நிலை ஆளுநா் பேருந்து மாா்ஷல்களை மீண்டும் பணி நியமனம் செய்ய உத்தரவிட்ட பிறகும், முதல்வா் அதிஷி நடவடிக்கை எடுக்கவில்லை.
பேருந்து மாா்ஷல்களை குறிப்பிட்ட நேரத்தில் மறு பணி நியமனம் செய்யாததால், மாசுக்கட்டுப்பாட்டு நடவடிக்கைகள் பயனற்ாகிவிட்டது. ஆம் ஆத்மி கட்சித் தலைவா்கள் வரவிருக்கும் சட்டப்பேரவைத் தோ்தலில் தங்களுக்கு ஏற்படும் தோல்வியை நினைத்து விரக்தியடைந்துள்ளனா். மக்களின் உடனடிப் பிரச்னைகளுக்குத் தீா்வு காண சிறப்பு சட்டப்பேரவைக் கூட்டத் தொடரை அரசு கூட்ட வேண்டும். மக்களை ஏமாற்றி வரும் ஆம் ஆத்மி அரசை, ஆட்சியில் இருந்து அகற்ற வேண்டிய நேரம் இது என்றாா் விஜேந்தா் குப்தா.
இச்செய்தியாளா் சந்திப்பில், பாஜக எம்எல்ஏக்கள் அபய் வா்மா, அஜய் மஹாவா், ஜிதேந்திர மகாஜன், அனில் பாஜ்பாய், பாஜகவின் மாநில ஊடகப் பிரிவுத் தலைவா் பிரவீன் சங்கா் கபூா் ஆகியோா் உடனிருந்தனா்.