தனி மனிதத் துதிபாடல்களை தவிர்க்கவும்... திருச்செந்தூர் கோயில் நிர்வாகம் அறிக்கை சென்னை பன்னாட்டு புத்தகத் திருவிழா ஜனவரி 16-ம் தேதி தொடக்கம்! திருப்பதி ஏழுமலையானுக்கு 121 கிலோ தங்க ஆபரணங்களை வழங்கும் பக்தர்! நீலகிரி, கொடைக்கானலில் 2 நாள்களுக்கு உறைபனி! வானிலை எச்சரிக்கை! அக்வான் புயல்: ராஞ்சியில் 20 விமானங்கள் ரத்து! அமெரிக்காவின் அதிநவீன ட்ரோனை சுட்டு வீழ்த்திய ஈரான்! தவெக ஆட்சி தானாக கவிழ்ந்துவிடும் - எடப்பாடி பழனிசாமி தவெக ஆட்சியில் உயிருக்கும் பயிருக்கும் பாதுகாப்பு இல்லை! டி.ஆர்.பி. ராஜா

பெண்ணிடம் ரூ.6.55 லட்சம் மோசடி: பஞ்சாபில் ஒருவா் கைது

பெண்ணிடம் ரூ.6.55 லட்சம் மோசடி: பஞ்சாபில் ஒருவா் கைது

பிரதிப் படம்

Updated On :

டேட்டிங் செயலி மூலம் பெண்ணுடன் நட்பை ஏற்படுத்திக்கொண்டு, அவரிடமிருந்து ரூ.6.55 லட்சம் மோசடி செய்ததாகக் கூறப்படும் 30 வயது நபா் ஒருவா், பஞ்சாபின் அபோஹாரில் கைது செய்யப்பட்டுள்ளதாக காவல் துறையினா் சனிக்கிழமை தெரிவித்தனா்.

விபுல் பவாா் என்று அடையாளம் காணப்பட்ட அந்த நபா், இணையவழி உரையாடல்கள் மூலம் அந்தப் பெண்ணின் நம்பிக்கையைப் பெற்றாா். பின்னா் போலி பரிவா்த்தனைகள் வாயிலாக அவரிடமிருந்து பணத்தைப் பறித்ததாகக் கூறப்படுகிறது.

இந்தக் குற்றச் செயலுக்குப் பயன்படுத்தப்பட்டதாகக் கூறப்படும் இரு கைப்பேசிகள் அவரிடமிருந்து பறிமுதல் செய்யப்பட்டுள்ளன.

சுமாா் ரூ.6.55 லட்சம் மோசடி செய்யப்பட்டதாக அந்தப் பெண் அளித்த புகாரின் பேரில் இந்த விவகாரம் வெளிச்சத்திற்கு வந்தது. இது தொடா்பாக, துவாரகாவில் உள்ள இணையவழி குற்றத் தடுப்புக் காவல் நிலையத்தில், பாரதிய நியாய சம்ஹிதாவின் (பிஎன்எஸ்) தொடா்புடைய பிரிவுகளில் முதல் தகவல் அறிக்கை (எஃப்ஐஆா்) பதிவு செய்யப்பட்டது.

விசாரணையின் போது, பணம் சென்றடைந்த வங்கிக் கணக்கு விவரங்கள் மற்றும் பிற எண்ம வழித்தடங்களை ஆய்வு செய்த காவல் துறையினா், குற்றவாளி பஞ்சாபின் பாசில்கா மாவட்டத்தில் உள்ள அபோஹாரில் பதுங்கியிருப்பதைக் கண்டறிந்தனா்.

குற்றவாளி தனது அடையாளத்தை மறைக்கவும், காவல் துறையினரின் கண்காணிப்பிலிருந்து தப்பிக்கவும் பல சிம் காா்டுகளைப் பயன்படுத்தியதாகக் கூறப்படுகிறது. தொழில்நுட்ப கண்காணிப்பு மற்றும் தொலைபேசி எண்களை ஆய்வு செய்ததன் மூலம், அவா் இருக்கும் இடத்தை புலனாய்வுக் குழு கண்டறிந்தது. அதனைத் தொடா்ந்து, அபோஹாருக்குச் சென்ற காவல்துறைக் குழுவினா் கடந்த வாரம் அவரைக் கைது செய்தனா்.

மேலும் விசாரணையில், 2023-ஆம் ஆண்டு பதிவு செய்யப்பட்ட இணையவழி குற்ற வழக்கு ஒன்றில், ராஜஸ்தானின் ஜெய்பூா் காவல் துறையினரால் பவாா் ஏற்கெனவே கைது செய்யப்பட்டிருந்தது தெரியவந்தது.

அவா் மேற்கொண்ட நிதி மற்றும் எண்ம பரிவா்த்தனைகளை ஆய்வு செய்யவும், இது போன்ற பிற மோசடி வழக்குகளில் அவருக்குத் தொடா்பு உள்ளதா என்பதைக் கண்டறியவும் தொடா்ந்து விசாரணை நடைபெற்று வருகிறது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.