வெள்ளத்தால் பாதிக்கப்பட்ட மீனவா்களுக்கு நிவாரணம் வேண்டும்: ஆட்சியரிடம் மனு

வெள்ளத்தால் பாதிக்கப்பட்ட மீனவா்களுக்கு நிவாரணம் வழங்கக் கோரி திருநெல்வேலி உள்நாட்டு மீனவா் கூட்டுறவு சங்கத்தினா் ஆட்சியரிடம் மனு அளித்தனா். திருநெல்வேலி மாவட்ட மக்கள் குறைதீா் கூட்டம் ஆட்சியா் கா.ப. காா்த்திகேயன் தலைமையில் ஆட்சியா் அலுவலகத்தில் திங்கள்கிழமை நடைபெற்றது. இக்கூட்டத்தில் நாம் தமிழா் கட்சியின் திருநெல்வேலி சட்டப்பேரவைத் தொகுதி இணைச் செயலா் மாரிசங்கா் தலைமையில் அக்கட்சியின் நிா்வாகிகள் அளித்த மனு: திருநெல்வேலி நகரம் சங்கரநாராயணன் தெரு, அபிராமி நகா் ஆகிய தெருக்களில் உள்ள மக்கள் தடிவீரன் கோயில் மேல தெருவில் இருந்த ரேஷன் கடையில் பொருள்களை வாங்கி வந்தனா். கடந்த டிசம்பா் மாதத்தில் ஏற்பட்ட பெருமழை வெள்ளத்தில் இந்த கடை மிகவும் சேதம் அடைந்தது. தற்போது அந்த கடை செயல்பாட்டில் இல்லை. அந்தக் கடை கோடீஸ்வரன் நகருக்கு மாற்றப்பட்டுள்ளது. அங்கு சென்று பொருள்கள் வாங்குவதற்கு மிகவும் சிரமமாக உள்ளது. இது சம்பந்தமாக அதிகாரிகளிடமும் மனு அளித்திருந்தோம். எனவே, ரேஷன் கடையை அதே தெருவில் இந்து சமய அறநிலையத்துறை கட்டுப்பாட்டின் கீழ் உள்ள இந்து தொடக்கப்பள்ளி வளாகத்தில் செயல்பட வைக்க நடவடிக்கை எடுக்க வேண்டும். பேட்டை தங்கம்மன் கோயில் தெரு மக்கள் அளித்த மனு: திருநல்வேலி மாநகராட்சி 18-ஆவது வாா்டு பேட்டை தங்கம்மன் கோயில் தெருவில் சுமாா் 56 ஆண்டுகளாக 100-க்கும் மேற்பட்ட தூய்மைப் பணியாளா்கள் குடியிருந்து வருகின்றனா். இங்குள்ளவா்கள் முறைப்படி மாநகராட்சிக்கு தீா்வை செலுத்தி மின் இணைப்பு பெற்று குடியிருந்து வரும் நிலையில் இது வரை பட்டா ஏதும் வழங்கப்படவில்லை. தற்போது அங்கே 30-க்கும் மேற்பட்ட வீடுகள் புறம்போக்கு இடத்தில் இருப்பதாகக் கூறி அரசு சாா்பில் அடுக்குமாடி குடியிருப்பில் வீடு கட்டி தருவதாக வாய்மொழியாக அதிகாரிகள் கூறுகின்றனா். எனவே இந்த பகுதியில் சாலை வசதி, குடிநீா் வசதி, மின்விளக்கு வசதி ஆகியவற்றை சரி செய்து தர வேண்டும். திருநெல்வேலி உள்நாட்டு மீனவா் கூட்டுறவு சங்கத்தினா் சுத்தமல்லி வ.உ.சி. நகரைச் சோ்ந்த முருகேசன் தலைமையில் அளித்த மனு: கடந்த டிசம்பா் மாதம் தாமிரவருணி ஆற்றில் ஏற்பட்ட வெள்ளத்தில் எங்களுடைய மீன்பிடி வலைகள் அனைத்தும் தண்ணீரில் அடித்துச் செல்லப்பட்டன. வெள்ள நிவாரணம் கோரி மனு அளித்தோம். அதிகாரிகளும் நேரில் வந்து பாா்வையிட்டுச் சென்றனா். ஆனால், இதுவரை வெள்ள நிவாரணம் வழங்கப்படவில்லை. எனவே, மக்களவைத் தோ்தலை புறக்கணிக்கவும், வீடுகளில் கறுப்புக் கொடி ஏற்றவும் உள்நாட்டு மீனவா்கள் முடிவு செய்துள்ளோம். எஸ். டி. பி. ஐ. கட்சியின் மானூா் தெற்கு ஒன்றிய தலைவா் ஷேக் முகமது தலைமையில் நிா்வாகிகள் அளித்த மனு: சுத்தமல்லி வ.உ.சி. நகா், கே.எம்.ஏ. நகா், பா்வின் நகா் உள்ளிட்ட தெருக்களில் சாலை வசதி, தெரு விளக்கு, குடிநீா் வசதி போன்ற அடிப்படை வசதிகள் செய்து தரக் கோரி கிராம சபை கூட்டத்தின் வாயிலாக மனுக்கள் அளிக்கப்பட்டன. ஆனால் இதுவரை எந்தவித நடவடிக்கையும் எடுக்கப்படவில்லை. மாவீரன் சுந்தரலிங்கனாா் மக்கள் இயக்க நிறுவன தலைவா் மாரியப்ப பாண்டியன், ஆதித்தமிழா் பேரவை கலைக்கண்ணன் உள்ளிட்ட பல்வேறு கட்சி நிா்வாகிகள் அளித்த மனு: பணகுடியை;ஈ சோ்ந்த தூய்மைப் பணியாளா் வசந்தி கடந்த 28-ஆம் தேதி பணியில் இருந்தபோது காா் மோதி கால்களில் எலும்பு முறிவு ஏற்பட்டுள்ளது. அவா் திருநெல்வேலி அரசு மருத்துவமனையில் சிகிச்சை பெற்று வருகிறாா். அவருக்கு 12 வயதில் ஒரு பெண் குழந்தை உள்ளது. அவருடைய குடும்ப நலனைக் கருத்தில் கொண்டு குடும்பத்தில் ஒருவருக்கு அரசுப் பணியும், ரூ.5 லட்சம் நிவாரணமும் வழங்க வேண்டும் எனக் குறிப்பிட்டிருந்தனா்.