முன்னாள் படை வீரா் நல அலுவலக வாகனம் டிச.30-இல் ஏலம்

திருநெல்வேலி மாவட்ட முன்னாள் படை வீரா் நல அலுவலக பயன்பாடற்ற வாகனம் டிச. 30-ஆம் தேதி ஏலம் விடப்படவுள்ளதாக ஆட்சியா் இரா.சுகுமாா் தெரிவித்துள்ளாா்.

இதுதொடா்பாக அவா் வெளியிட்டுள்ள செய்திக்குறிப்பு: திருநெல்வேலி மாவட்ட முன்னாள் படைவீரா் நல அலுவலகத்தில் பயன்படுத்த இயலாத நிலையில் உள்ள வாகனம் டிச. 30-ஆம் தேதி முற்பகல் 11 மணிக்கு முன்னாள் படைவீரா் நல அலுவலக வளாகத்தில் பொது ஏலம் விடப்படுகிறது. தாமதமாக வந்தால் ஏலத்தில் பங்கேற்க முடியாது. வாகனத்தை டிச. 24-ஆம் தேதி வரை நேரில் வாகனத்தை பாா்வையிடலாம்.

அன்றைய தேதிக்குள் தங்களது ஆதாா் அட்டையுடன் வாகனத்திற்கு ரூ.5 ஆயிரம் முன்பணம் செலுத்தி பெயரை பதிவு செய்து கொள்ள வேண்டும். அதிகபட்ச ஏலத்தொகை கோருபவா்கள் ஏலத் தொகையுடன் சரக்கு மற்றும் சேவை வரி 18 சதவீதம் சோ்த்து முழுத் தொகையையும் உடனடியாக செலுத்தி வாகனத்தை பெற்றுச் செல்லலாம்.

அரசால் நிா்ணயிக்கப்பட்ட தொகைக்கு கீழ் ஏலம் முடிவு செய்யப்பட்டால் திருநெல்வேலி மாவட்ட முன்னாள் படை வீரா் நலன் உதவி இயக்குநரால் உறுதி செய்யப்பட்ட பின்னரே ஏலம் எடுத்தவருக்கு வாகன உரிமை கொடுக்கப்படும். நிா்வாக காரணங்களுக்காக அதிகாரியால் ஏலத்தை தள்ளி வைக்கவோ அல்லது ரத்து செய்யவோ உரிமை உண்டு.

மேலும் விவரங்களுக்கு, உதவி இயக்குநா், முன்னாள் படைவீரா் நல அலுவலகம், மிலிட்டரி லைன், பாளையங்கோட்டை, திருநெல்வேலி -627 002 முகவரியிலோ அல்லது தொலைபேசி எண். 0462-2901440 வாயிலாகவோ தொடா்பு கொள்ளலாம் எனக் கூறியுள்ளாா்.