நில மோசடி வழக்கில் 2 பெண்கள் கைது

திருநெல்வேலியில் நில மோசடியில் ஈடுபட்டதாக 2 பெண்களை மாவட்ட குற்றப்பிரிவு போலீஸாா் கைது செய்தனா்.

திருநெல்வேலி மாவட்டம் கங்கைகொண்டான் அருகே உள்ள ராஜபதியைச் சோ்ந்தவா் பூரணச்செல்வி (33). இவரது தந்தை சங்கரன் சில ஆண்டுகளுக்கு முன்பு உயிரிழந்தாா்.

இந்நிலையில், கங்கைகொண்டான், சித்தாா்சத்திரம் கிராமத்தில் உள்ள தந்தைக்குச் சொந்தமான நிலங்களை பங்கீடு செய்வதில் வாரிசுதாரா்களுக்கு இடையே பிரச்னை நிலவிய வந்ததாம்.

இந்நிலையில், வாரிசுச் சான்றிதழ் குறித்த விவரங்களை மறைத்து தனக்கு சேரவேண்டிய பங்கை மோசடி செய்து பத்திரப்பதிவு நடைபெற்றுள்ளதாக பூரணச்செல்வி திருநெல்வேலி மாவட்ட காவல் கண்காணிப்பாளரிடம் புகாா் அளித்தாா்.

அதன்பேரில், போலீஸாா் வழக்குப்பதிந்து விசாரித்து, தாழையூத்தைச் சோ்ந்த முப்புடாதி மனைவி பகவதி(42), பாளையங்கோட்டை, செங்குளத்தைச் சோ்ந்த சீதாலட்சுமி(47) ஆகிய இருவரையும் செவ்வாய்க்கிழமை கைது செய்தனா்.