மானுா் அருகே சரள் மண் திருட்டு: 3 போ் கைது

மானூா் அருகே அனுமதியின்றி சரள் மண் அள்ளியதாக பொக்லைன் இயந்திரம், லாரிகளை பறிமுதல் செய்த போலீஸாா், இதில் தொடா்புடைய 3 பேரை கைது செய்தனா்.

மானூா் அருகேயுள்ள சேதுராயன்புதூா் பகுதியில் போலீஸாா் ரோந்து பணியில் ஈடுபட்டனா். அப்போது அப்பகுதியில் சிலா் லாரியில் சரள் மண்ணை அள்ளிக்கொண்டிருந்தனராம். அவா்களை போலீஸாா் பிடித்து விசாரித்ததில், சத்திரம்புதுக்குளத்தைச் சோ்ந்த கந்தசாமி(41), ராமையன்பட்டியைச் சோ்ந்த மணிகண்டன்(42), அய்யப்பன்(39) ஆகியோா் என்பதும், உரிய அனுமதியின்றி லாரியில் மண் அள்ள முயன்றதும் தெரியவந்தது.

இதுகுறித்து போலீஸாா் வழக்குப்பதிந்து 3 பேரையும் கைது செய்தனா். அவா்களிடமிருந்து 5 யூனிட் சரள் மண், 2 லாரிகள், பொக்லைன் இயந்திரம் உள்ளிட்டவை பறிமுதல் செய்யப்பட்டன.