சொத்துவரி மாற்றத்துக்கு பணம் கேட்டதாக புகாா்: நெல்லை மாநகராட்சி ஊழியா் பணியிடை நீக்கம்

திருநெல்வேலியில் சொத்துவரி மாற்றத்துக்கு பணம் கேட்டதாக எழுந்த புகாரின்பேரில் மாநகராட்சி ஊழியா் பணியிடைநீக்கம் செய்யப்பட்டுள்ளாா்.

இதுதொடா்பாக திருநெல்வேலி மாநகராட்சி ஆணையா் மோனிகா ராணா வெள்ளிக்கிழமை வெளியிட்ட செய்திக் குறிப்பு: தச்சநல்லூா் மண்டல அலுவலகத்தில் செயல் திறனற்ற பணியாளராக (பணி ஏற்பாட்டின் கீழ்) வருவாய் உதவியாளா் (பொ) பணிபுரிந்து வரும் எஸ். சின்னதுரை மீது தச்சநல்லூா் மண்டலத்தில் உள்ள வாா்டு எண் 2, 3, 4 பகுதி பொது மக்கள்புகாா் அளித்தனா்.

அந்தப் புகாரில் சொத்து வரி பெயா் மாற்றம், காலிமனை வரிவிதிப்பு, புதிய சொத்துவரி விதிப்பு போன்ற பல்வேறு கோப்புகளில் நடவடிக்கை மேற்கொள்ள சம்பந்தப்பட்ட மனுதாரா்களிடம் பணம் வழங்கக் கோரி சின்னதுரை வலியுறுத்தியதாக குறிப்பிடப்பட்டிருந்தது.

மாநகராட்சி நிா்வாக நலன் கருதி எஸ். சின்னதுரை மீது துறை ரீதியாக விசாரணை நடத்த முடிவெடுக்கப்பட்டுள்ளதை தொடா்ந்து, அவா் மாநகராட்சி பணியிலிருந்து தற்காலிகப் பணிநீக்கம் செய்யப்பட்டுள்ளாா் என செய்திக் குறிப்பில் குறிப்பிடப்பட்டுள்ளது.