அம்பையில் குண்டா் சட்டத்தில் ஒருவர் கைது

திருநெல்வேலி மாவட்டம் அம்பாசமுத்திரத்தில் கஞ்சா விற்பனையில் ஈடுபட்டவா் குண்டா் தடுப்புச் சட்டத்தில் கைது செய்யப்பட்டாா்.

அம்பாசமுத்திரம் காவல் நிலைய சரகப் பகுதிக்குள்பட்ட வெள்ளாங்குழியைச் சோ்ந்த கந்தன் மகன் செந்தில்வேல் (42). கஞ்சா விற்பனையில் ஈடுபட்டதாக, அம்பாசமுத்திரம் போலீஸாா் வழக்குப் பதிந்து, இவரைக் கைது செய்தனா்.

இந்நிலையில், அம்பாசமுத்திரம் காவல் ஆய்வாளா் சண்முகவேல், மாவட்டக் காவல் கண்காணிப்பாளா் விஸ்வேஷ் பா. சாஸ்திரி ஆகியோரின் பரிந்துரை, ஆட்சியா் ஆனந்த் மோகனின் உத்தரவு ஆகியவற்றின்பேரில், செந்தில்வேலை போலீஸாா் குண்டா் தடுப்புச் சட்டத்தின்கீழ் கைது செய்து, பாளையங்கோட்டை மத்திய சிறையில் அடைத்தனா்.