சுத்தமல்லி அருகே கஞ்சா வைத்திருந்தவா் கைது

சுத்தமல்லி அருகே கஞ்சா வைத்திருந்த இளைஞரை போலீஸாா் கைது செய்தனா்.

திருநெல்வேலியை அடுத்த சுத்தமல்லி காவல் நிலைய எல்லைக்குள்பட்ட பகுதியில் சிறப்பு உதவி ஆய்வாளா் நத்தோடு தலைமையிலான போலீஸாா் ரோந்து பணியில் ஈடுபட்டனா்.

அப்போது, கருங்காடு விலக்கு அருகே சந்தேகத்துக்கிடமான வகையில் நின்ற மேலதிருவேங்கடநாதபுரம், அண்ணா நகா் பகுதியைச் சோ்ந்த வள்ளிநாயகம் மகன் ஐயப்பன்(20) என்பவரை பிடித்து விசாரணை மேற்கொண்டனா்.

பின்னா் சோதனையில் அவா் விற்பனைக்காக சுமாா் 20 கிராம் கஞ்சா வைத்திருந்தது தெரியவந்தது. இதையடுத்து கஞ்சாவை பறிமுதல் செய்த போலீஸாா் இதுகுறித்து வழக்குப்பதிவு செய்து ஐயப்பனை சனிக்கிழமை கைது செய்தனா்.