மூலச்சலில் சாகுபடியாளர்களுக்கு பூச்சி விரட்டி தயாரிக்கும் பயிற்சி முகாம்

மூலச்சல் கிராமத்தில் காய்கனி சாகுபடியாளர்களுக்கு, பூச்சி விரட்டி தயாரிக்கும் பயிற்சி முகாம் திங்கள்கிழமை நடைபெற்றது.

ரூரல் அப்லிப்ட் சென்டர் நிறுவனமும், மூலச்சல் சிறுவர் இல்லமும் இணைந்து நடத்திய பயிற்சி முகாமிற்கு, மார்த்தாண்டம் கிரீன் அக்ரி கிளப் இயக்குநர் ஒய். ராஜகுமார் தலைமை வகித்து தொடங்கிவைத்தார். சுசீலா, பயிற்சி உறுதிமொழி படித்தார்.  சிசிலி, காய்கனி சாகுபடி அனுபவத்தை விளக்கிக் கூறினார்.

பூச்சி விரட்டிகள் தயாரிக்கும் செய்முறை பயிற்சிகளை கிறிஸ்டோபர், பாபு, பவுல் ஆகியோர் அளித்தனர். அப்போது மூலிகை பூச்சி விரட்டி, பஞ்சகவ்யம், மீன் டானிக், புகையிலை கஷாயம், முட்டை ரசம் போன்றவை தயாரித்து பயிர்களுக்கு பயன்படுத்தும் விதத்தை எடுத்துரைத்தனர்.

ஸ்ரீதேவி வரவேற்றார். ரமணி நன்றி கூறினார்.