ஏற்றக்கோட்டில் சிறப்பு மருத்துவ முகாம்

திருவட்டாறு அருகே ஏற்றக் கோட்டில் தமிழக அரசின் சிறப்பு இலவச மருத்துவ முகாம் நடைபெற்றது.

இம்முகாமிற்கு, ஊராட்சித் தலைவர் ரூஸ் தலைமை வகித்தார். வட்டார மருத்துவ அலுவலர் டாக்டர் ஜெயசுதா முன்னிலை வகித்தார்.

இதில்,மருத்துவர்கள் அருள் செல்வன், கார்த்திக் உள்பட ஆசாரிப்பள்ளம் மருத்துவக் கல்லூரி மருத்துவர்கள் மற்றும் ஆரம்ப சுகாதார நிலைய மருத்துவர்கள் இலவச மருத்துவ பரிசோதனை மற்றும் சிகிச்சைகள் அளித்தனர்.

முகாம் ஏற்பாடுகளை வட்டார சுகாதார ஆய்வாளர் எல். சார்லின் தலைமையில் சுகாதாரப் பணியாளர்கள் செய்திருந்தனர். இம்முகாமில் 905 பேர் பயனடைந்தனர்.