கல்குளம் வட்டத்தில்  ரூ. 34 லட்சம் மதிப்பிலான வளர்ச்சிப் பணிகள்: ஆட்சியர் ஆய்வு

கல்குளம் வட்டத்தில் ரூ. 34.34 லட்சம் மதிப்பில் நடைபெற்று வரும் வளர்ச்சித் திட்டப் பணிகளை ஆட்சியர் பிரசாந்த் மு.வடநேரே சனிக்கிழமை ஆய்வு செய்தார்.
கல்குளம் வட்டம், திருவிதாங்கோடு பேரூராட்சிக்குள்பட்ட பகுதியில் ரூ.15.73 லட்சம் மதிப்பில் நடைபெற்றுவரும் திடக்கழிவு மேலாண்மைத்  திட்டப் பணி மற்றும் முத்தலக்குறிச்சி ஊராட்சிக்குள்பட்ட பகுதியில் ஊரக வேலைவாய்ப்பு உறுதித் திட்டத்தின்கீழ் ரூ.1.61 லட்சம் மதிப்பில் நடைபெற்றுவரும் தடுப்பணை பணி, ரூ.17 லட்சம் மதிப்பில் நடைபெற்று வரும் ஊராட்சி சேவை மைய கட்டடப் பணி ஆகியவற்றை மாவட்ட ஆட்சியர் ஆய்வு செய்தார். 
ஆய்வின்போது, கூடுதல் ஆட்சியர் (வளர்ச்சி) ராஹூல்நாத், உதவி ஆட்சியர் (பயிற்சி) பிரதிக் தயாள் மற்றும் அரசு அலுவலர்கள் உடனிருந்தனர்.