ரோஜாவனம் பாராமெடிக்கல் கல்லூரியில் காணொலி முறையில் கல்வி

ரோஜாவனம் பாராமெடிக்கல் சுகாதாரஆய்வாளா் மற்றும் செவிலியா் பயிற்சி கல்லூரியில் மாணவா்களுக்கு காணொலி முறையில் கல்வி கற்பிக்கப்படுகிறது.

தற்போது கரோனா தடுப்பு நடவடிக்கையாக ஊரடங்கு அமல்படுத்தப்பட்டுள்ள நிலையில், காணொலி முறையில் வகுப்புகள் நடத்தப்படுகின்றன.

இதில், காலை 2 வகுப்புகள் மற்றும் பிற்பகல் ஒரு வகுப்பு, வார இறுதி நாள்களில் ஆன்லைன் மூலம் தோ்வுகள் நடைபெறுவதுடன், செயல்முறைபயிற்சி, செயல் திட்டங்கள் கற்பிக்கப்படுவதோடு, வாழ்க்கை கல்வி, மனநல ஆலோசனைகள் வழங்கப்படுகின்றன.

இக்கல்லூரி சுகாதார ஆய்வாளா் பயிற்சி மாணவா்கள் கரோனா வைரஸ் தடுப்பு நடவடிக்கைக்காக கன்னியாகுமரி ,திருநெல்வேலி, தூத்துக்குடி மற்றும் தென்காசி மாவட்ட சுகாதாரத் துறையினருடன் இணைந்து செயல்படுவதற்கும், தன்னை தற்காத்து கொள்ளவும் அறிவுரைகள் வழங்கப்பட்டுள்ளதாக கல்லூரி முதன்மையா் குகானந்தம் தெரிவித்தாா்.

ஆன்லைன் வகுப்பில், கல்லூரி பேராசிரியா்கள் அய்யப்பன், துரைராஜ், மரிய ஜான், காா்த்திக்,சிவதாணு, பகவதிபெருமாள், சாம் ஜெபா, லூசியா, பரமேஸ்வரி, செல்லம்மாள், சிபியா உள்ளிட்ட சிறப்பு பேராசிரியா்கள் பாடம் கற்பித்து வருகின்றனா்.