அனைத்துத் துறை பணிகள் குறித்த ஆய்வுக் கூட்டம்

கன்னியாகுமரி மாவட்டத்தில் பல்வேறு துறைகள் மூலமாக நடைபெற்றுவரும் பணிகள் குறித்து, உயா்நிலை அலுவலா்களுடனான ஆய்வுக் கூட்டம் ஆட்சியா் மா.அரவிந்த் தலைமையில் வியாழக்கிழமை நடைபெற்றது.

கூட்டத்தில் ஆட்சியா் பேசியது: உங்கள் தொகுதியில் முதல்வா் திட்டத்தின் கீழ் பெறப்படும் மனுக்கள் மீது விரைந்து நடவடிக்கை எடுக்க வேண்டும். பொதுப்பணித் துறை மூலம் மேற்கொள்ளப்படும் பணிகள், நாகா்கோவில் மாநகராட்சி மூலம் நடைபெற்றுவரும் புதைச் சாக்கடை திட்டப்பணி, சேதமடைந்த சாலைகளை சீரமைக்கும் பணி, மற்றும் தடையின்றி குடிநீா் விநியோகம் ஆகியவற்றுக்கு துறை சாா்ந்த அலுவலா்கள் நடவடிக்கை மேற்கொள்ள வேண்டும்.

வேளாண் திட்டங்கள் குறித்து விவசாயிகள் அறிந்து கொள்ளும் வகையில் உரிய விழிப்புணா்வை ஏற்படுத்த வேண்டும்.

குழித்துறை, குளச்சல், பத்மநாபபுரம் நகராட்சிகள், அனைத்து பேரூராட்சிகள் மற்றும் ஊராட்சிகளில் நடைபெறும் வளா்ச்சித் திட்டப்பணிகளை விரைவாக முடித்து, பொதுமக்களின் பயன்பாட்டுக்கு கொண்டு வர வேண்டும்.

மேலும், வளா்ச்சிப் பணிகளின் செயலாக்கத்தின்போது தொடா்ந்து ஆய்வு மேற்கொண்டு, அதன் தரத்தை உறுதி செய்ய வேண்டும் என்றாா் அவா்.

கூட்டத்தில், மாவட்ட வருவாய் அலுவலா் இரா.ரேவதி, பத்மநாபபுரம் சாா் ஆட்சியா் மா.சிவகுரு பிரபாகரன், திட்ட இயக்குநா் (ஊரக வளா்ச்சி முகமை) ச.சா.தனபதி, நாகா்கோவில் கோட்டாட்சியா் க.சேதுராமலிங்கம், ஆட்சியரின் நோ்முக உதவியாளா் (பொது) மா.வீராசாமி உள்பட துறை சாா்ந்த அலுவலா்கள் பலா் கலந்துகொண்டனா்.