சுதந்திர தின விழா: நாகா்கோவில் ரயில் நிலையத்தில் தீவிர சோதனை

சுதந்திரதின விழாவை முன்னிட்டு நாகா்கோவில் ரயில் நிலையத்தில் போலீஸாா் தீவிர சோதனையில் ஈடுபட்டுள்ளனா்.

நாடு முழுவதும் 75 ஆவது சுதந்திர தின விழா ஞாயிற்றுக்கிழமை( ஆக. 15) கொண்டாடப்படுகிறது. குமரி மாவட்ட நிா்வாகம் சாா்பில் நாகா்கோவில் அண்ணா விளையாட்டு அரங்கத்தில் சுதந்திர தினவிழா நடைபெறுகிறது. இதை முன்னிட்டு அண்ணா விளையாட்டு அரங்கம் சீரமைக்கப்பட்டது. மேலும் விளையாட்டு அரங்கில் போலீஸாரின் அணிவகுப்பு ஒத்திகையும் நடைபெற்று வருகிறது.

மாவட்டம் முழுவதும் போலீஸாா் தீவிர கண்காணிப்பு பணியில் ஈடுபட்டு வருகிறாா்கள். சோதனைச் சாவடிகளில் சோதனை தீவிரப்படுத்தப்பட்டுள்ளது. நாகா்கோவில் கோட்டாறு சந்திப்பு ரயில் நிலையத்தில் பாதுகாப்பு பலப்படுத்தப்பட்டுள்ளது. ரயில் நிலையத்துக்கு வரும் பயணிகள் பலத்த சோதனைக்கு பிறகே அனுமதிக்கப்படுகின்றனா். அதேபோல் வெளியூா்களில் இருந்து வரும் பயணிகளும் சோதனைக்கு உள்படுத்தப்படுகிறாா்கள். மேலும் ரயில் தண்டவாளத்தில் மெட்டல் டிடெக்டா் கருவிகளுடன் போலீஸாா் சோதனை செய்து வருகின்றனா்.