உள்ளாட்சித் தோ்தல்: திமுக மாவட்டச் செயலா் அறிக்கை

குமரி மாவட்ட நகா்ப்புற உள்ளாட்சித் தோ்தலில் போட்டியிடும் திமுகவினா் வேட்புமனு படிவங்களை பெற்றுக்கொள்ளலாம் என கிழக்கு மாவட்ட திமுக செயலா் என்.சுரேஷ்ராஜன் தெரிவித்துள்ளாா்.

இதுகுறித்து அவா் வெளியிட்டுள்ள அறிக்கை: திமுக தலைமை கழகத்தின் வேண்டுகோளுக்கிணங்க, நகா்ப்புற உள்ளாட்சித் தோ்தலுக்கான வேட்பு மனு படிவங்கள் வெள்ளிக்கிழமை (நவ.19) காலை 10 மணி முதல் விநியோகிக்கப்பட உள்ளது.

தோ்தலில் போட்டியிட விருப்பம் உள்ள நிா்வாகிகள் ஒழுகினசேரியில் உள்ள திமுக மாவட்ட அலுவலகத்துக்கு வந்து விண்ணப்பப் படிவங்களை பெற்று பூா்த்தி செய்து வழங்கலாம். நகராட்சி உறுப்பினா் பதவிக்கு ரூ.5,000, பேரூராட்சி உறுப்பினா் பதவிக்கு ரூ.2,500 செலுத்தி ரசீது பெற்றுக்கொள்ள வேண்டும் எனக் கூறியுள்ளாா்.