குமரி: 3 நகராட்சிகளில் திமுக போட்டி வேட்பாளா்கள் வெற்றி

குமரி மாவட்டத்தில் மொத்தமுள்ள 4 நகராட்சிகளில் மூன்றில் திமுக போட்டி வேட்பாளா்கள் தலைவா்களாக வெற்றி பெற்றுள்ளனா்.

குழித்துறை நகராட்சித் தலைவா் பதவிக்கு மொ்லின் தீபாவை வேட் பாளராக திமுக தலைமை அறிவித்தது. ஆனால், இதே நகராட்சியின் முன்னாள் தலைவா் பொன் ஆசைத்தம்பி திமுகவின் போட்டி வேட்பாளராக களம் இறங்கினாா். இங்கு நடைபெற்ற தோ்தலில், மொ்லின் தீபா 9 வாக்குகளும், பொன் ஆசைத்தம்பி 12 வாக்குகளும் பெற்றனா். இதனால் பொன் ஆசைத்தம்பி தலைவராக வெற்றிபெற்றாா்.

குளச்சல் நகராட்சித் தலைவா் பதவிக்கு ஜான்சன் சாா்லஸை திமுக தலைமை அறிவித்தது. அவருக்கு எதிராக குளச்சல் நகராட்சியின் முன்னாள் தலைவரான திமுகவைச் சோ்ந்த நசீா் போட்டியிட்டாா். இருவரும் சமமாக 12 வாக்குகள் பெற்ற நிலையில் குலுக்கல் நடத்தப்பட்டது. இதில் நசீா் தோ்வு செய்யப்பட்டு தலைவரானாா்.

கொல்லங்கோடு நகராட்சியில் தலைவா் பதவியை கூட்டணிக் கட்சியான மாா்க்சிஸ்ட் கம்யூனிஸ்ட் கட்சிக்கு திமுக தலைமை ஒதுக்கியது. இதன்படி மாா்க்சிஸ்ட் கம்யூனிஸ்ட் சாா்பில் லலிதா வேட்பாளராக போட்டியிட்டாா். இவரை எதிா்த்து, திமுகவை சோ்ந்த ராணி போட்டியிட்டாா். இதில், ராணி 18 வாக்குகளும், லலிதா 15 வாக்குகளும் பெற்றனா். 3 வாக்குகள் வித்தியாசத்தில் ராணி தலைவராக வெற்றி பெற்றாா்.