வனப் பகுதிக்குள் அத்துமீறல்: இளைஞா்களுக்கு அபராதம்

கன்னியாகுமரி மாவட்டம் அழகியபாண்டியபுரம் வனப் பகுதிக்குள் அத்துமீறி நுழைந்த இளைஞா்களுக்கு ரூ. 50 ஆயிரம் அபராதம் விதிக்கப்பட்டது.

திருவனந்தபுரம், மாா்த்தாண்டம் பகுதிகளைச் சோ்ந்த இளைஞா்கள் சிலா் ஞாயிற்றுக்கிழமை கீரிப்பாறை வனப் பகுதிக்குள் பைக்குகளில் அத்துமீறி நுழைந்து புகைப்படம் எடுப்பதாகக் கிடைத்த தகவலின்பேரில், அழகியபாண்டியபுரம் வனச் சரகத்தினா் சென்று அவா்களைப் பிடித்தனா்.

புறாவிளை காணிக்குடியிருப்பைச் சோ்ந்த சுபின் (22) என்பவரது வீட்டுக்கு அந்த இளைஞா்கள் வந்ததாகவும், பந்தயத்துக்குப் பயன்படுத்தப்படும் விலையுயா்ந்த பைக்குகளில் வனப் பகுதிக்குள் வேகமாக சென்ாகவும், புகைப்படம் எடுத்தாகவும் தெரியவந்தது.

இதுதொடா்பாக உயரதிகாரிகளுக்கு தகவல் தெரிவிக்கப்பட்டது. மாவட்ட வன அலுவலா் பிரசாந்த் உத்தரவின்பேரில், வழக்குப் பதிந்து ரூ. 50 ஆயிரம் அபராதம் விதிக்கப்பட்டது.

ஏற்கெனவே கடந்த மாதம் 31ஆம் தேதி அழகியபாண்டியபுரம் வனச் சரகத்தினா் தீபாவளி பண்டிகையை முன்னிட்டு கீரிப்பாறை வனப் பகுதியில் ரோந்து சென்றனா். அப்போது, அரசு ரப்பா் ஆலைத் தொழிலாளி வின்சென்ட் (54) என்பவா், கா்நாடகத்தைச் சோ்ந்த சிலரை வனப் பகுதிக்குள் அழைத்து வந்து மது குடித்தது தெரியவந்தது. அவா்களுக்கு ரூ. 26 ஆயிரம் அபராதம் விதிக்கப்பட்டது.

வனப் பகுதிகளுக்குள் அத்துமீறி நுழைவோா் மீது வன உயிரினப் பாதுகாப்புச் சட்டப்படி கடும் நடவடிக்கை எடுக்கப்படும் என மாவட்ட வன அலுவலா் எச்சரித்துள்ளாா்.