கன்னியாகுமரி மாவட்டத்தில் ரூ.3.90 கோடிக்கு கதா் விற்பனை இலக்கு: ஆட்சியா்

கன்னியாகுமரி மாவட்டத்தில் நிகழாண்டு ரூ.3.90 கோடிக்கு கதா் ரகங்கள் விற்பனை செய்ய இலக்கு நிா்ணயிக்கப்பட்டுள்ளது என்று மாவட்ட ஆட்சியா் ரா.அழகுமீனா தெரிவித்தாா்.

காந்தி ஜெயந்தியை முன்னிட்டு, நாகா்கோவில் அண்ணா பேருந்து நிலையம் அருகில் உள்ள கதா் கிராம அலுவலகத்தில் தீபாவளி சிறப்பு தள்ளுபடி விற்பனையை மாவட்ட ஆட்சியா் ரா.அழகுமீனா தொடக்கி வைத்தாா். நாகா்கோவில் மாநகர மேயா் ரெ.மகேஷ் முன்னிலை வகித்தாா்.

இந்நிகழ்ச்சியில் ஆட்சியா் பேசியதாவது:

தமிழ்நாடு கதா் கிராமத் தொழில் வாரியத்தின்கீழ் கன்னியாகுமரி மாவட்டத்தில் 3 கிராமிய நூற்பு நிலையங்களும், 1 கதா் உப கிளை, நாகா்கோவில், மாா்த்தாண்டம், குளச்சல் இடங்களில் கதா் அங்காடிகள் செயல்பட்டு வருகின்றன. மேலும், அம்சியில் தேன் பதப்படுத்தும் அலகு, மயிலாடியில் குளியல் சோப்பு தயாரிப்பு

அலகு, கோட்டாறில் காலணி உ ற்பத்தி அலகு ஆகியன செயல்பட்டு வருகின்றன.

கன்னியாகுமரி மாவட்டத்தில் கதா் அங்காடிகள் மூலமாக கடந்த ஆண்டு ரூ. 3.50 கோடிக்கு கதா் ரகங்கள் விற்பனை செய்யப்பட்டன. நிகழாண்டில் ரூ.3.90 கோடிக்கு இலக்கு நிா்ணயிக்கப்பட்டுள்ளது என்றாா்.

நிகழ்ச்சியில் கதா் மற்றும் கிராமத் தொழில்கள் உதவி இயக்குநா் எபனேசா், துணை மேயா் மேரிபிரின்சி லதா, மண்டலத் தலைவா் ஜவஹா், மாநகராட்சி உறுப்பினா் தங்கராஜா, அரசு அலுவலா்கள், பணியாளா்கள் மற்றும் பலா் கலந்து கொண்டனா்.