வலம்புரிவிளை உரக்கிடங்கில் ரூ. 36 லட்சத்தில் கழிவுநீா் சுத்திகரிப்பு மையம் அமைக்கும் பணி தொடக்கம்

நாகா்கோவில் மாநகராட்சி வலம்புரிவிளை உரக்கிடங்கில் ரூ. 36.45 லட்சத்தில் கழிவுநீா் சுத்திகரிப்பு மையம் அமைக்கும் பணி செவ்வாய்க்கிழமை தொடங்கியது.

மாநகராட்சிக்குள்பட்ட ஆவின் பால் பண்ணை வளாகத்திலிருந்து வெளியேறும் கழிவுநீரால் சுற்றுப்புற குடியிருப்புப் பகுதிகளில் துா்நாற்றம் வீசுவதாக வந்த புகாரின்பேரில், பால் பண்ணையில் மேயா் ஆய்வு மேற்கொண்டாா். அப்போது, சுகாதார சீா்கேடு ஏற்படாதவாறு நடவடிக்கை மேற்கொள்ள அதிகாரிகளுக்கு உத்தரவிட்டாா்.

பின்னா், கன்காா்டியா தேவாலயம் அருகே பயணிகள் நிழற்குடை அமைக்கும் பணியைப் பாா்வையிட்ட அவா், அங்குள்ள மழைநீா் வடிகால்களைத் தூா்வார அதிகாரிகளுக்கு உத்தரவிட்டாா்.

தொடா்ந்து, வலம்புரிவிளை உரக்கிடங்கில் தனியாா் நிறுவன பங்களிப்புடன் ரூ. 36.45 லட்சத்தில் கழிவுநீா் சுத்திகரிப்பு மையம் அமைக்கும் பணியை மேயா் தொடக்கிவைத்தாா். இம்மையம் மூலம் தனியாா் செப்டிக் டேங்க் வாகனங்களின் கழிவுகளை சுத்திகரிக்கும் பணி மேற்கொள்ளப்படும்.

நிகழ்ச்சியில், ஆணையா் நிஷாந்த் கிருஷ்ணா, துணை மேயா் மேரி பிரின்ஸி லதா, உதவி செயற்பொறியாளா் ரகுராம், உதவிப் பொறியாளா் ராஜசீலி, நகரமைப்பு ஆய்வாளா் மகேஸ்வரி, மண்டலத் தலைவா்கள் ஜவஹா், அகஸ்டினா கோகிலவாணி, தொழில்நுட்ப அலுவலா் பாஸ்கா், சுகாதார அலுவலா்கள் பகவதிபெருமாள், ராஜாராம், மாமன்ற உறுப்பினா்கள் அனிலா, ஸ்டாலின் பிரகாஷ், நாகா்கோவில் மாநகர திமுக செயலா் ஆனந்த், பகுதிச் செயலா் ஷேக்மீரான், வட்டச் செயலா்கள் பிரபாகரன், ராமகிருஷ்ணன், மாவட்டப் பிரதிநிதி ஐயப்பன் உள்ளிட்டோா் பங்கேற்றனா்.