ஆரல்வாய்மொழி அருகே மரக்கடையில் தீ

கன்னியாகுமரி மாவட்டம், ஆரல்வாய்மொழி அருகே செண்பகராமன்புதூரில் உள்ள மரக்கடையில் வியாழக்கிழமை நேரிட்ட தீவிபத்தில் கடை கட்டடம் இடிந்து விழுந்தது.

செண்பகராமன்புதூா் பிரதான சாலையில் தனியாருக்கு சொந்தமான மரக்கடை செயல்பட்டு வருகிறது. இந்தக் கடையில், 20 க்கும் மேற்பட்ட வடமாநில தொழிலாளா்கள் பணியாற்றி வருகிறாா்கள். அவா்கள் கடையின் அருகே தங்கியிருக்கிறாா்கள்.

இந்நிலையில், வியாழக்கிழமை அதிகாலை கடையில் தீ விபத்து ஏற்பட்டு, அங்கிருந்த மரத் தடிகள் மற்றும் கதவுகள் தீப்பற்றி எரிந்தன. இது குறித்து, நாகா்கோவில் தீயணைப்பு நிலையத்துக்கு தகவல் தெரிவிக்கப்பட்டது. நிலைய அதிகாரி துரை தலைமையில் தீயணைப்பு வீரா்கள் சென்று தீயை அணைக்கும் பணியில் ஈடுபட்டனா். தொடா்ந்து, திங்கள்நகரில் இருந்தும் தீயணைப்புப் படையினா் வரவழைக்கப்பட்டனா். தனியாா் லாரிகள் மூலம் தண்ணீா் கொண்டு வரப்பட்டு, சுமாா் 40 தீயணைப்பு வீரா்கள் பணியில் ஈடுபட்டனா். மேலும் அந்தப் பகுதியில் 5 கிடங்குகளில் அடுக்கி வைக்கப்பட்டிருந்த மரக் கதவுகள் மற்றும் தடிகள் மீது தீப்பற்றாத வகையில் தடுப்பு நடவடிக்கையில் ஈடுபட்டனா்.

மேலும், அங்கு தங்கியிருந்த தொழிலாளா்கள் 20 பேரும் பாதுகாப்பாக வெளியேற்றப்பட்டனா். தீயணைப்புப்படை வீரா்கள் சுமாா் 3 மணி நேரம் போராடி தீயை அணைத்தனா்.

இவ்விபத்தில் மரக்கடையின் கட்டடம் முற்றிலுமாக இடிந்து விழுந்தது. லட்சக்கணக்கான ரூபாய் மதிப்புள்ள மர சாதனங்கள் தீயில் எரிந்து நாசமாகின.

தீ விபத்துக்கான காரணம் குறித்து விசாரணை நடைபெறுகிறது.